2024 jylǵa arnalǵan kólik salyǵyn tóleý merzimi 2025 jylǵy 1 sáýirde aıaqtalǵan. 1 sáýirden keıin ótelmegen salyq somasyna ár keshiktirgen kún úshin Ulttyq bankiniń qaıta qarjylandyrý mólsherlemesiniń 1,25 eselengen mólsherinde ósimpul esepteledi.
– Qaryz ótelmegen jaǵdaıda salyq organdary 30 jumys kúni ishinde habarlama joldaıdy. Eger osy merzimde tólem jasalmasa jáne bereshek 1 AEK-ten assa, salyq buıryǵy shyǵarylady. Ol 5 jumys kúni ishinde oryndalýǵa tıis. Oryndaý bolmaǵan jaǵdaıda is jeke sot oryndaýshylarǵa joldanady, – deıdi Á. Turlybekova.
Basqarma basshysynyń aıtýynsha, qatar jeke sot oryndaýshylar salyq tóleýshiniń múlkine tyıym salýǵa jáne ony alyp qoıýǵa, bank shottaryn buǵattaýǵa, bereshek mólsheri 40 AEK-ten asqan jaǵdaıda elden shyǵýǵa tyıym salýǵa, negizgi qaryzdan bólek, óz qyzmeti úshin 25%-ǵa deıin qosymsha shyǵyn óndirip alýǵa quqyly.
Al О́ndiristik emes tólemder basqarmasynyń bas mamany Erkebulan Núkebaevtyń aıtysyna qaraǵanda, «Sergek-Qorǵaý» júıesi arqyly 64,5 mln teńge tólengen.
– О́ńirde maýsym aıyndaǵy kólik salyǵy boıynsha 10 131 azamattyń jalpy bereshegi 524 mln teńgege jetken, onyń 407 mln teńgesi Semeı qalasyna tıesili. 19 maýsymǵa deıin salyq organdary 376,1 mln teńgege 11 154 salyq buıryǵyn jeke sot oryndaýshylaryna joldady. Búginde 1 884 atqarýshylyq is qozǵalyp, 96,6 mln teńge óndirildi. Qaryzdy azaıtý maqsatynda oblystyq Ádilet departamenti, Polısııa departamenti jáne JSO palatasymen birlesken Memorandým aıasynda «Sergek-Qorǵaý» júıesi arqyly 769 reıd júrip, 64,5 mln teńge óteldi, – deıdi О́ndiristik emes tólemder basqarmasynyń bas mamany Erkebulan Núkebaev.
Abaı oblysy
