9–10 maýsym kúnderi Qazaqstannyń sport sheberi, sambo kúresinen Azııa chempıony, Qazaqstannyń túıe balýany Erbolat Dúısenbaevty eske alýǵa arnalǵan qazaq kúresinen 2012–2013 jyly týǵan kishi jasóspirimder arasynda Aqsýat aýdanynyń ashyq týrnıri bolyp ótti.
Týrnırde Semeı qalasy, Tarbaǵataı aýdany, Ekpin, Qumkól, Oıshilik, Tana Myrza, Qarǵyba, Kindikti jáne Aqsýat aýylynan 60-qa tarta sportshy ózara kúsh synasty.
Jeńimpazdar men júldegerler arnaıy daıyndalǵan dıplomdar, medal jáne aqshalaı syılyqtarmen marapattaldy.
Týrnırde «Jeńiske degen qushtarlyǵy úshin» nomınasııasymen Serik Shyńǵys jáne Qaıratbek Baqdáýlet, «Eń jas balýan» — Serjan Dıas, «Úzdik ádis jasaǵany úshin» nomınasııasymen Jarqynǵazy Nurǵazy arnaıy medalmen jáne aqshalaı syılyqtarmen marapattaldy.
Abaı oblysy
