Atyraý oblysy boıynsha memlekettik kirister departamentiniń basqarma basshysy Bısen Iýsýbalıevtyń deregine qaraǵanda, 9 myńnan astam adam bıylǵy kólik salyǵyn áli tólemeı júr.
«2025 jylǵy kólik salyǵy boıynsha 9 myńnan astam jeke tulǵanyń bereshegi 505 mln teńgege jetti. Onyń 400 mln teńgeden astamy – negizgi salyq, 105 mln teńgege jýyǵy – ósimpul. Jyl basynan beri júrgizilgen 107 reıdtik is-sharanyń nátıjesinde 400 adamnan 5,2 mln teńge óndirildi», deıdi Bısen Iýsýbalıev.
Departament ókiliniń aıtýynsha, salyq mólsheri jeke tulǵanyń ıeligindegi kóliktiń qozǵaltqysh kólemi men aılyq eseptik kórsetkishke sáıkes esepteledi.
«Qazir 2024 jyldyń múlik salyǵyn esepteý júrgizilip jatyr. Salyqty belgilengen merzimde tólemegenderge aldymen habarlama jiberiledi. Odan keıin salyq buıryǵy shyǵarylyp, bereshek májbúrli túrde óndiriledi. Bul prosess jeke sot oryndaýshylary arqyly júzege asyrylady», dep málim etti Bısen Iýsýbalıev.
