Foto: Sý resýrstary jáne ırrıgasııa mınıstrligi
Sý resýrstary jáne ırrıgasııa vıse-mınıstri Aslan Abdraımovtyń aıtýynsha boljamdardyń dáldigin arttyrý jáne Tasqyn júıesin qamtýdy keńeıtý úshin ýákiletti memlekettik organdar ony odan ári damytý úshin usynystar ázirledi.
«Sıfrlyq jer bederiniń anyqtyǵyn arttyrý, gıdrologııalyq modeldi jetildirý jáne beıimdeý, júıeni jańǵyrtýǵa baǵyttalǵan is-sharalar engizilgen Jol kartasynyń jobasy ázirlendi. Tasqyn aqparattyq júıesin jetildirý jumysy turaqty negizde júrgizilip jatyr jáne aldaǵy ýaqytta da jalǵasyn tabady», dedi A.Abdraımov.
Sala mınıstrliginiń málimetinshe Tasqyn júıesi tasqyn sýdy modeldeý kezinde ózenderdegi boljamdy sý shyǵyny men deńgeıin, qoımalardan sý jiberý kólemin, jer bederiniń sıfrlyq modelderin jáne batımetrııalyq túsirilim derekterin paıdalanady. Sý resýrstary jáne ırrıgasııa mınıstrligi sý tasqyny kezinde kún saıyn aqparattyq júıege derekterdi engizý jáne jańartý arqyly sý qoımalarynyń jaı-kúıine monıtorıng júrgizdi. Sondaı-aq vedomstvo shekara mańyndaǵy eldermen ózara is-qımyl jasap, TJM men onyń aýmaqtyq bólimshelerin tótenshe jaǵdaılardyń týyndaý qaýpi týraly ýaqtyly habardar etip otyrdy.
