Bul derekti Atyraý oblystyq polısııa departamentiniń baspasóz qyzmeti rastady.
«Jaıyq ózeniniń Mahambet aýdany aýmaǵyndaǵy jaǵalaýynan 2024 jylǵy qazan aıynda joǵalǵan 23 jastaǵy turǵynnyń máıiti tabyldy. Byltyr onyń ólimine baılanysty 24 jáne 25 jastaǵy eki kúdikti ustalyp, qamaýǵa alynǵan edi. Kúdiktilerge qatysty adam óltirý deregimen sotqa deıingi tergep-tekserý amaldary júrgizilip jatyr. О́zge aqparat tergeý múddesine sáıkes jarııalaýǵa jatpaıdy», dep málimdedi departamenttiń baspasóz qyzmetinen.
Atyraý qalasynyń turǵyny Iаna Legdokımova 2001 jyly dúnıege kelgen. Ol Avangard-2 shaǵyn aýdanyndaǵy páterinen byltyrǵy 18 qazanda saǵat 22:00 shamasynda shyǵyp ketken. Sodan qaıta oralǵan joq.
