Búginde óńirde sýmen jabdyqtaý salasynda 28 joba júzege asyrylýda. Zerendi aýdanynda jańa sý qubyry jelilerin salýǵa jáne qoldanystaǵy sý qubyry jelilerin jańǵyrtýǵa 6 mlrd 564 mln teńge qarastyrylǵan. Jumystar Aqadyr, Jylymdy, Qanaı bı, Kókterek, Sadovoe, Troısk, Vasılkovskoe, О́rken, О́zen jáne Barataı aýyldarynda júrgizilýde.
Olardyń ishindegi eń irisi – 1 myńnan astam adam turatyn О́rken kentindegi uzyndyǵy 6 shaqyrym sýmen jabdyqtaý júıesi. Jobanyń quny – 583 mln teńge.
Odan bólek, oblystyń 9 aýdanynda 2 mlrd 287 mln teńgeden astam somaǵa sýmen jabdyqtaýdyń jańa kózderin salý jáne qoldanystaǵy júıelerdi rekonstrýksııalaý júzege asyrylýda. Nysandardy paıdalanýǵa berý osy jyldyń sońyna josparlanýda.
Sandyqtaý aýdanynda toptyq sý qubyry salynýda. Joba boıynsha 22,3 shaqyrym sýmen jabdyqtaý jelilerin salý kózdelgen. Ony júzege asyrýǵa arnaýly memlekettik qordan 200 mln teńge bólindi.
Sondaı-aq Nura toptyq sý qubyryn rekonstrýksııalaý jáne Pokrovskoe aýylynan Talapker jáne Qajymuqan aýyldaryna sý qubyryn tartý jumystary júrgizilýde. Eki jobanyń jalpy quny – 9,5 mlrd teńge.
Qazirgi ýaqytta Aqmola oblysynda qalalyq eldi mekenderde sýmen jabdyqtaý qyzmeti 99%-dy, al aýyldyq eldi mekenderde 96,6%-dy quraıdy.
Búgingi tańda elimizde qaıtarylǵan aktıvterge densaýlyq saqtaý, sport, sondaı-aq ınjenerlik jeliler men sý qurylystaryn jańartý salalaryndaǵy jobalar júzege asyrylýda.
