Sahnaǵa toptyń bastapqy quramyndaǵy bes múshesi tolyq óner kórsetedi. Atap aıtqanda, Nık Karter, Eı Djeı Maklın, Haýı Doro, Kevın Rıchardson, Braıan Lıtrell. Konsertte búkil álemdik hıt bolǵan ánder oryndalady. Olardyń ishinde «I Want It That Way, Everybody» (Backstreet’s Back), «As Long As You Love Me», «Show Me The Meaning of Being Lonely», «Shape of My Heart» jáne jańa albomdardan kompozısııalar bar.
2025 jyly «Backstreet Boys» Las-Vegastaǵy eń zamanaýı konsert zaly Sphere sahnasynda «Into The Millennium» atty aýqymdy shoý bastady. Qyrkúıektiń 21-inde ótetin konsertke arnalǵan bıletter bir táýlikten az ýaqytta satylyp ketken. Bul týr pop-mýzyka tarıhyndaǵy eń tez satylǵan týrlardyń biri boldy. Shoýdyń erekshe talaby – aq tústi kıim, sondyqtan uıymdastyrýshylar otandyq kórermendi álemdik trendke qosylyp, aq tústi kıim kıip, 2000 jyldardyń atmosferasyna enýge shaqyrady.
Astanadaǵy konserttiń uıymdastyrýshysy – Astana Concert kompanııasy. Konsert 2025 jylǵy 21 qyrkúıekte «Astana Arena» stadıonynda ótedi. Kompanııa buǵan deıin de halyqaralyq jobalardy sátti júzege asyryp keledi, sonyń ishinde 2025 jylǵy 1 jáne 10 tamyzda ótetin Djennıfer Lopestiń konsertteri de bar.
Bıletter 14 shilde kúni saǵat 12:00-den satylymǵa shyǵady. Freedom Bank qosymshasynda ǵana 24 saǵat buryn aldyn ala satylym jarııalanady. Keshbek – 22%-ǵa deıin!
15 shilde kúni saǵat 12:00-den bastap bıletter Ticketon.kz saıtynda qoljetimdi bolady. Tólemniń 10 túrli tásili qarastyrylǵan, sonyń ishinde bólip tóleý múmkindigi bar.
Mádenıet jáne aqparat mınıstrligine qarasty Mádenıet komıteti tóraǵasynyń orynbasary Azamat Belqaıyrovtyń aıtýynsha oqıǵalyq týrızmdi damytý – el brendin jáne ulttyq mádenı-tarıhı murany tanymal etýdiń tıimdi quraly. Árbir osyndaı iri oqıǵa – meıli ol Hose Karrerastyń gastroli bolsyn, ne bolmasa Djennıfer Lopestiń konserti bolsyn – elimizdiń qazirgi zamanǵy gýmanıtarlyq qundylyqtardy ustanatyn memleket retindegi bedelin nyǵaıtatyn sınergııalyq áser beredi.
«Mádenıette shekara joq! Mundaı aýqymdy is-sharalardy uıymdastyrý men ótkizýge túrli elderden kelgen jastar – mádenıet ókilderi, kásipkerler, volonterler men jankúıerler belsendi túrde atsalysady. Bul eldiń «mádenı kapıtal» sapasyn arttyryp, halyqaralyq deńgeıdegi ımıdjin qalyptastyrady.
Aldyńǵy jyldary osyndaı aýqymdy is-sharalardy sátti ótkizgenniń nátıjesinde Qazaqstan zamanaýı mádenı trendterge ilesken, sonymen qatar ulttyq dástúrdi saqtap otyrǵan memleket retinde tanylyp keledi.
21 qyrkúıekte Astanada ótetin konsertiń mańyzy zor, sebebi dál osy kúni búkil álemde Halyqaralyq beıbitshilik kúni atalyp ótedi. Álem halyqtary arasynda dıalog, beıbitshilik pen yntymaqtastyqty jaqtaıtyn Qazaqstan úshin bul oqıǵa eldiń basty gýmanıtarlyq qundylyqtarynyń kórinisi bolmaq», dedi Azamat Belqaıyrov
«Kazakh Tourism» ulttyq kompanııasy» AQ jobalardy súıemeldeý departamentiniń dırektory Álisher Tursynnyń aıtýynsha «Backstreet Boys» konsertine daıyndyq aıasynda Astana Concert pen «Kazakh Tourism» ulttyq kompanııasy» AQ týrısterdi aýqymdy is-sharalar arqyly tartý boıynsha yntymaqtastyq týraly memorandýmǵa qol qoıdy. «Kazakh Tourism» janynan jetekshi týroperatorlar qatysatyn shtab quryldy. Negizgi maqsat – konsert bıleti qosylǵan arnaıy týrıstik paketter daıyndap, sheteldik qonaqtarǵa usyný.
«Backstreet Boys konsertine 40-tan astam elden týrıster keledi dep boljanǵan. Bul – týrıster tartý úshin tıimdi ádisterdiń biri. Máselen, Djennıfer Lopestiń Astanada ótetin konsertine 10 myń, al Almatydaǵy konsertine 8 myń týrıst keledi dep josparlanyp otyr», dedi Álisher Tursynov.
Al qala ákimdiginiń «Astana Tourism» týrızmdi damytý ortalyǵynyń basshysy Artıom Dmıtrıevıch Kvashýk sózinshe «Astana Tourism» týrızmdi damytý ortalyǵy qaladaǵy týrıstik salany jan-jaqty damytý úshin, sonyń ishinde qala qonaqtary úshin qyzyqty is-sharalar kúntizbesin qurý maqsatynda quryldy.
«Biz elorda qonaqtary úshin jaıly ári qaýipsiz jaǵdaı jasaýǵa bar kúshimizdi salamyz, ár sapar erekshe áser qaldyryp eken deımiz.
Halyqaralyq ártisterdiń, uıymdastyrýshylardyń jáne týrısterdiń Astanaǵa degen qyzyǵýshylyǵy artyp kele jatqanyn baıqap otyrmyz. Qala barǵan saıyn aýqymdy is-sharalar ótetin alańǵa aınalyp keledi. Bul –jınaqtalǵan tájirıbe men týrızm salasyndaǵy júıeli jumystyń nátıjesi. Sonymen qatar ınfraqurylymnyń da damyp kele jatqanynyń aıqyn dáleli.
Backstreet Boys tobynyń konserti sekildi kólemdi is-sharalar elordaǵa sheteldik týrısterdiń nazaryn aýdaryp, jergilikti ekonomıkanyń damýyna serpin beredi jáne Astananyń halyqaralyq deńgeıdegi bedelin arttyrady», dedi Artıom Kvashýk.
Aıta ketelik, Astanada 299 qonaq úı jumys isteıdi, onyń ishinde 9-y bes juldyzdy, 3-4 juldyzdy shamamen 100 qonaq úı bar. Jyl saıyn Astana kóp is-shara ótetin mádenı qala mártebesin nyǵaıtyp keledi. Mysaly, qalada byltyr 128 is-shara ótkizilse, bıyl 201 is-shara josparlanǵan.
Mundaı is-sharalar kópjaqty mýltıplıkatıvti áser beredi. Qonaq úılerdiń júktemesi artady, meıramhanalarǵa, kólikke, saýda jáne mádenı nysandarǵa kelýshiler kóbeıedi. Bir ǵana konsert ondaǵan salanyń damýyna serpin beredi.
