Foto: https://www.facebook.com/ruslan.zheldibay/
Rýslan Jeldibaı óziniń áleýmettik jelidegi paraqshasynda bul taǵaıyndaý úshin IJF basshysy Marıýs Vızer myrzaǵa alǵysyn bildirip, halyqaralyq uıymdardaǵy qazaqstandyq ókilderdiń mańyzyn atap ótti.
«Elimizdiń halyqaralyq sport uıymdarynda ókilderiniń bolýy - óte mańyzdy. Bul qadam arqyly elimizdiń bedelin nyǵaıtýmen qatar, tájirıbe de almasamyz», dep jazdy ol.
Onyń aıtýynsha, qazirgi tańda Qazaqstanda dzıýdo sportyn damytý baǵytynda kóptegen jumys júrgizilip jatyr. Degenmen, sheshimin kútken máseleler de az emes.
«Dzıýdony elimizde damytý baǵytynda biraz jumys atqarylyp jatyr. Áli de másele jeterlik. Dzıýdony keńinen damytý úshin arnaıy akademııa, al aımaqtarda ortalyqtar qajet bolyp tur. Halyqaralyq yntymaqtastyqty da arttyramyz. Osy iske barynsha óz úlesimdi qosamyn», dedi Rýslan Jeldibaı.
