Foto: nbusiness.kz
Mınıstrdiń aıtýynsha, 2024 jylǵy 1 shildedegi jaǵdaı boıynsha Qazaqstannyń memlekettik qaryzy 31,9 trln teńgeni nemese jalpy ishki ónimniń (JIО́) 21,1%-yn qurap otyr. Jyl basynan beri borysh kólemi 40 mlrd teńgege ulǵaıǵan. Negizgi ósý sebepteri – respýblıkalyq bıýdjet tapshylyǵyn qarjylandyrý jáne buryn alynǵan qaryzdardy ıgerý.
«Bul rette, jalpy ishki ónimniń ósimi qarqynynyń arqasynda, memlekettik boryshtyń jalpy ishki ónimge qatynasy tómendeýi jalǵasýda: 2020 jylǵy 29,2%-dan, 2024 jyly 23,5%-ǵa deıin. Osylaısha, 2030 jylǵa deıingi Qazaqstan Respýblıkasynyń memlekettik qarjysyn basqarý tujyrymdamasynda belgilengen jalpy ishki ónimge 32% kólemindegi memlekettik borysh lımıti saqtalyp otyr», delingen habarlamada.
Mınıstrdiń málimetinshe, 2024 jylǵy 24 maýsymda Qarjy mınıstrligi halyqaralyq naryqta jalpy somasy 2,5 mlrd AQSh dollaryna teń evrobondtardy sátti ornalastyrǵan. Bul 2015 jyly alynǵan syrtqy qaryzdar boıynsha aldaǵy tólemderdi tolyq qaıta qarjylandyrýǵa múmkindik berip, jıyntyq borysh kólemin ulǵaıtpaı sheshim qabyldaýǵa jol ashqan.
