Foto: naryntany.kz
«Densaýlyq saqtaý salasynda qordalanǵan máseleler bar ekeni belgili. Ony bir kúnde sheshý múmkin emes. Biraq bizdiń keshendi josparymyz bar. Atalǵan salaǵa qatysty naqty sharalar qabyldap jatyrmyz. Qazirgi ýaqytta 3,3 mln adam Mindetti áleýmettik medısınalyq saqtandyrý júıesinen tys bolyp otyr. Biz kelesi jyldan bastap jergilikti bıýdjetterdiń esebinen osy 3,3 mln-nyń 1 mln-yn osy júıege engizemiz. Jyl saıyn kórsetkishti azaıtamyz. Bul úlken shyǵyndardy talap etetin sharýa. Búgingi tańda Prezıdenttiń tapsyrmasy boıynsha «Aýylda densaýlyq saqtaýdy jańǵyrtý» ulttyq joba júzege asyrylyp jatyr. Jalpy 600-den astam shalǵaı eldi mekenderde medısınalyq nysandar salynyp jatyr. Biz atalǵan baǵytqa respýblıkalyq bıýdjetten de, qaıtarylǵan aktıvter qarajaty esebinen de qarjy bólemiz. Árıne, másele onymen tolyq sheshilmeıdi. Biraq, kezeń kezeńmen iske asyrylady», dedi Oljas Bektenov.
