Este bolsa ótken jyly Aýǵanstan, О́zbekstan jáne Birikken Arab Ámirlikteri Transaýǵan temirjol jobasyn tehnıkalyq zertteý boıynsha ózara túsinistik týraly memorandýmǵa qol qoıǵan edi. Bul temirjoly jobasy Orta Azııa elderin Aýǵanstan arqyly Ońtústik Azııa elderimen baılanystyrady. О́zbekstan-Aýǵanstan-Pákistan úsh jaqty temirjol jobasynyń uzyndyǵy 760 shaqyrym, qurylys quny 4,8 mıllıard dollarǵa baǵalanǵan.
Al biz aıtyp otyrǵan memorandýmnyń negizgi maqsaty – Aýǵanstan aýmaǵy boıynsha eki kezeńde temirjol jelisin, sondaı-aq Aýǵanstan aýmaǵyndaǵy kólik-logıstıkalyq ortalyqty salý, sondaı-aq «Týrgýndı-Gerat-Kandagar-Spın-Boldak» jobasyn iske asyrý. Budan kóretinimiz, tranzıti men logıstıkalyq habyn ártaraptandyrýdy kózdegen elimiz, Ońtústik Azııa memleketterine aparatyn joldy ózine ǵana emes, aınalasyndaǵy elderge de ashyp bermekshi.
Aıtýly jobanyń birinshi kezeńde «Týrgýndı-Gerat» ýchaskesinde temirjol jelisi men qajetti ınfraqurylymdy, sondaı-aq Gerat qalasyndaǵy kólik-logıstıkalyq ortalyqty salý jónindegi ınvestısııalyq jobany iske asyrý josparlanyp otyr.
