Oqıǵa bylaı bolǵan, kúrdeli ota jasap shyqqan hırýrg ózge naýqastardy qaraý úshin qabyldaý bólimine keledi. Dárigerdiń qabyldaýy ádette aldyn ala kezekke turý tártibimen júretini belgili. Alaıda kezek kútip turǵan naýqastyń biri orynsyz janjal kóterip, dárigerge judyryq jumsaıdy. Oqystan tıgen soqqynyń saldarynan hırýrg esinen tanyp qalady.
Oblystyq aýrýhananyń baspasóz qyzmeti dárigerdiń aýyr halde jansaqtaý bólimine túskenin habarlady.
Polısııa 34 jastaǵy naýqasty ustap, oǵan qatysty QR Qylmystyq kodeksiniń 106-bap, 1-bólimi boıynsha sotqa deıingi tergeý jumysyn bastaǵan.
Oblys ákimi de osy oqıǵaǵa qatysty pikir bildirip, dárigerlerdiń qaýipsizdigin kúsheıtýge basa mán berý keregin aıtty.
«Jańa ǵana bireýdiń ómirin aman alyp qalǵan dáriger otadan shyǵa sala qyzmet ornynda soqqyǵa jyǵylyp otyr. Mundaı soraqy jaǵdaılar bizdiń qoǵamda oryn almaýy tıis jáne barsha turǵyndar tarapynan qatań aıyptalýy qajet. Quqyq qorǵaý organdaryna isti tolyq ári ádil tergep-tekserýdi tapsyrdym. Kináli adam zań aldynda jaýap berýi tıis. Biz dárigerler men medısına qyzmetkerleriniń qaýip-qaterge ushyraýyna jol bermeımiz. Olar – kúndiz-túni, kez kelgen aýa raıyna qaramastan, óz mindetin adal atqaryp júrgen jandar. Dárigerlerdiń qaýipsizdigi men qoǵamdaǵy mártebesi – basymdyqta bolýy tıis. Meniń tapsyrmammen aýrýhanaǵa orynbasarym bardy. Zardap shekken dárigerdiń áriptesterimen baılanystamyz», dedi Qumar Aqsaqalov.
Qostanaı oblysy
