Balyq ónerkásibin damytý qajet

Senat depýtaty Álibek Náý­tıev Atyraý oblysynyń turǵyn­darmen kezdesti. Atyraýlyqtar salyq salý, kásipodaq uıymda­rynyń jumysy, geologııalyq barlaý men jekelegen mınıstr­likter jumysynyń tıimdiligi týraly máselelerdi kóterdi. Senator barlyq ótinish júıe­lenip, tıisti memlekettik organdarǵa jiberiletinin aıtty.

Sondaı-aq depýtat Mahambet aýdanyndaǵy Taldykól aýylynda salynyp jatqan balyq zaýytynda boldy. О́ndiristiń jylyna 100 tonna balyq pen 15 mln qyzyl balyq shabaǵyn ósirýge áleýeti bar. Búginde kásiporyn qurylysy aıaqtalýǵa jaqyn. Degenmen byltyr­ǵy sý tasqynynyń saldaryna baı­lanysty ónerkásipti iske qosý kúrde­lene túsken. Jylyjaılar zaqym­dalyp, balyq óńdeýge arnal­ǵan jabdyqtar isten shyqqan. Taldy­kól aýylyndaǵy kirme joldy jóndeýge ishinara qarjylandyrý qosymsha problemaǵa aınalǵan. Bul da qurylystyń aıaqtalýyn tejep otyr.

«Balyq ónerkásibi – elimizdiń azyq-túlik qaýipsizdigi ǵana emes, jumyspen qamtý jáne tabıǵı resýrstardy turaqty paıdalanýǵa áser etetin strategııalyq mańyzdy sala. Mundaı jobalardy osy Atyraý sekildi balyqty óńirlerde iske asyryp, damytý qajet. Oǵan, árıne, memlekettik qoldaý kerek», dedi senator.

Senat depýtattary Bekbolat Orynbekov pen Sáken Arýbaev Jambyl oblysyndaǵy Merki jáne Qordaı aýdandarynda boldy. Olar Merki aýdanyndaǵy jylý qazandyqtarynyń jaı-kúıimen, jal­py óńirdiń jylytý maýsymyna daıyn­dyǵymen tanysty. A.Qo­san­uly atyndaǵy №18 orta mek­tep­tiń jylý qubyryn aýystyrý ju­mysyn da kórdi. Qazir munda jumystyń 80 paıyzy aıaqtalǵan.

Al Qordaı aýdanynda depýtattar aýdandyq ortalyq aýrýhana men D.Qonaev atyndaǵy №1 mektep-gımnazııasynda bolyp, bilim berý jáne densaýlyq saqtaý máselelerin talqylady.

Senator Aınur Arǵynbekova da Abaı oblysyndaǵy Abaı jáne Besqaraǵaı aýdandaryndaǵy dáriger­l­ik mekemelerdiń jaı-kúıi men balalardyń jazǵy demaly­syn uıymdastyrý barysyn kórdi. Orda, Medeý jáne Sarjal aýylda­ryndaǵy jańa feldsher-akýsherlik beketterdiń jumysymen tanysty. Dárigerlik mekemeler «Aýylda densaýlyq saqtaýdy jańǵyrtý» ulttyq jobasy aıasynda salynyp, paıdalanýǵa berilgen. Alaıda senator atap ótkendeı, aýmaqty abattandyrý, septık salý, ishki úı-jaılardy jaraqtandyrý sekildi máseleler sheshimin tappaı otyr.

«Biz barǵan dárigerlik mekemeler negizgi standarttarǵa sáıkes keledi, biraq abattandyrýdan bastap sanıtarlyq jaǵdaıdy qamtamasyz etýge deıingi jumystar aqsap tur. Shalǵaı aýyldaǵy ár turǵyn óz densaýlyǵyna memleket kóńil bóletinin sezinýi kerek», dep atap ótti senator.

Abaı aýdandyq aýrýhana­synyń ǵımaratyn da kúrdeli jóndeý, kó­lik qajet, medısına mamandary tapshy.

Al Senator Amangeldi Nuǵ­ma­nov Q.Jubanov atyndaǵy Aqtóbe óńirlik ýnıversıtetinde boldy. Ýnıversıtet rektory Laý­ra Qarabasova ınnovasııa salasyndaǵy jobalar men ınje­ner kadrlaryn daıarlaý isine toqtalyp, 100 myńnan asa stýdent­ti qamtıtyn AI-Sana ulttyq jobasyna ýnıversıtettiń de qatysqanyn jetkizdi.

«Aımaqtyq ýnıversıtetter ǵylym men tehnologııany tartý ortalyǵyna aınalýy kerek. Olardyń mindeti – kadr daıarlaý­men qatar aýmaqty damytýdyń kóshbasshysy bolýǵa umtylý. Túlek­terdiń óńirde qalýyna jáne týǵan ólkeni damytýǵa jaǵdaı jasaý qajet», dedi senator.

Depýtat ýnıversıtettiń ınfra­qu­rylymymen, Heriot-Watt University kampýsymen, ınno­vasııa­lyq tehnologııa parkimen, jastar úıimen jáne ǵylymı kitaphanamen tanysty.