Sonymen birge A.Izbasarova osy taqyrypqa oraı ótken brıfıngte shahardyń 700 myńnan astam turǵyny jeńildik sanatynda ekenin, olardyń jarnasyn memleket tólep jatqanyn baıandady. Alaıda 237 492 azamattyń saqtandyrý mártebesi búgingi tańda bolmaı tur. Onyń ishinde 56 myńnan astam turǵyn áleýmettik osal topty azamattar sanatyna kiredi.
MÁMS týraly zańǵa engizilgen ózgeristerge sáıkes, kelesi jyldan bastap jergilikti atqarýshy organdar áleýmettik ál-aýqat deńgeıi boıynsha daǵdarystyq jáne shuǵyl jaǵdaıdaǵy (D jáne E deńgeıi) sanattaryna jatatyn azamattar úshin medısınalyq saqtandyrý jarnalaryn tóleıtin bolady.
«Taǵy bir jaqsy jańalyq – buǵan deıin jarna tóleı almaı qalǵan kisiniń saqtandyrý mártebesi 3 aıǵa ǵana jaraıtyn, endi 5 jyl boıy turaqty jarna tólep, kezdeısoq jumysynan aıyrylyp qalǵan adamnyń saqtandyrý mártebesi 6 aıǵa deıin saqtalyp tura beredi. Iаǵnı, azamattar ýaqytsha jumyssyz júrip qalsa da, medısınalyq kómekti tegin ala beredi. Biraq keıin tólenbegen merzimdegi qaryzyn óteý kerek bolady» dedi Qor fılıaly dırektorynyń orynbasary A.Izbasarova.
Budan basqa, resmı jumyssyz retinde tirkelgen azamattar da saqtandyrý júıesine jergilikti bıýdjet esebinen qamtylatyn bolady. Bul óz kezeginde halyqty jumyspen qamtý máselesinde jergilikti ákimdiktiń jaýapkershiligin arttyra túsetini sózsiz. Mamannyń pikirinshe osylaısha bul ózgerister jergilikti atqarýshy bıliktiń jumys oryndaryn qurýǵa, kedeılikti azaıtýǵa jáne halyqty jumyspen qamtý boıynsha belsendi sharalar qabyldaýyna túrtki bolmaq.
Shymkent
