Qabyldanǵan zańnamalyq normalar, salyqtyq jeńildikter jáne ınfraqurylym qurý nátıjesinde eldiń álemdik reıtingtegi ornyn jaqsartty.
Atap aıtqanda, Qazaqstan Qasym-Jomart Toqaevtyń bastamasymen Álemdik zııatkerlik menshik uıymy reıtınginde (WIPO) «kreatıvti ónimder men qyzmetter» kórsetkishi boıynsha 93 orynnan 65 orynǵa, al kınematografııa salasynda 60 orynnan 31 orynǵa kóterildi.
Búginde elde 16 kreatıvti ortalyq jumys istep, akseleratorlar, halyqaralyq taǵylymdamalar men bilim berý baǵdarlamalary iske qosylǵan. Bul bastamalar keratıvti azamattar men jobalardy qoldaýǵa baǵyttalǵan.
2025 jyldyń ekinshi jartysynda Korporatıvtik kreatıvti ındýstrııany qoldaý qory óz jumysyn bastaıdy. Qor tórt negizgi baǵyt boıynsha qyzmet kórsetedi. Atap aıtsaq, talanttardy anyqtaý jáne akselerasııalaý, jobalarǵa ınvestorlar tartý jáne ınfraqurylymdy damytý, sondaı‑aq qazaqstandyq kreatıvti ónimderdi halyqaralyq naryqqa shyǵarý.
2024 jyldan bastap 40 kreatıvti ekonomıkalyq qyzmet túrine qatysty 2–4 % bólshek satý salyǵyn engizgen arnaıy salyq rejımi iske qosyldy. Bul shara kreatıvti ındýstrııa sýbektteriniń sanyn jyl saıyn shamamen 17 % , ıaǵnı 46 667 kásiporynǵa kóbeıtti.
Memlekettiń 2029 jylǵa qoıǵan jospary boıynsha kreatıvti ındýstrııalardyń JIО́-ge qosqan úlesin 2% -ǵa deıin arttyrý (búginde 1%), kreatıvti ónimder men qyzmetter eksportynynyń kólemin 115 mln AQSh dollaryna, al osy salada qyzmet etetin mamandar sanyn 180 myńǵa deıin jetkizý kózdelgen.
Bul sharalar kreatıvti ındýstrııanyń Qazaqstan ekonomıkasy úshin strategııalyq mańyzyn kórsetip, eldiń álemdik naryqta joǵary oryndardan kórinýine sep bolady.
