Basqarma basshysynyń orynbasary Eset Amanbaevtyń aıtýynsha bıyl oblystyń avtojol salasyn damytýǵa 59,9 mlrd teńge bólindi. Atalmysh qarajatqa 156 jobany iske asyrý josparlanǵan, ıaǵnı 464,1 km jol jóndeýden ótip, jańadan salynady.
«2025 jyly oblys aýmaǵynda avtojoldardy salý jáne jóndeý boıynsha 156 jobany iske asyrý kózdelgen. Onyń 36-sy jergilikti mańyzy bar joldar, 120 joba qalaishilik jáne eldimeken ishindegi joldar. Atalǵan jobalar tolyqtaı iske asyrylǵannan keıin jergilikti mańyzy bar joldardyń jaqsy jáne qanaǵattanarlyq deńgeıdegi úlesi 82%-ge jetedi dep josparlanýda» ,- dedi Eset Amanbaev.
Aıta keteıik, aımaqtyń kólik ınfraqurylymyn damytý maqsatynda sońǵy 3 jylda jergilikti mańyzy bar joldar men kóshe-jol jelisiniń 1,2 myń shaqyrymnan astamy jóndeldi. Búgingi tańda oblystaǵy jergilikti mańyzy bar avtomobıl joldarynyń jalpy uzyndyǵy 4412 km quraıdy.
