Sodan jaqyn mańdaǵy fermerlerdiń otbasy oǵan kómek kórsetip, sportshy áreń degende esin jııady. Bul marafonnan medal almasyn bilgen Kanakýrı eshkimge eskertpesten Japonııaǵa tartyp ketedi. Ol kezde jarystan shyǵyp ketken sportshy jaıly aqparat birden taraı qoımaıtyn. Osylaısha, shvedter ony iz-túzsiz joǵaldy dep sanap, tizimnen de syzyp tastaǵan. Arada 50 jyldan astam ýaqyt ótkende jýrnalıster onyń keıin de birneshe Olımpıada marafondaryna qatysqanyn anyqtaıdy. Osydan keıin oǵan 1912 jylǵy Stokgolm marafonyn resmı túrde aıaqtaý usynylady. Kanakýrı bul usynysty qabyl alyp, márege deıin júgirip ótedi. Sóıtip, onyń júgirý ýaqyty – 54 jyl, 8 aı, 6 kún, 5 saǵat, 32 mınýt jáne 20,3 sekýnd bolyp tirkeledi.
