Memlekettik kirister komıtetiniń habarlaýynsha, joba kedendik rásimderdi jeńildetýge, adamı faktordy azaıtýǵa jáne taýar aınalymyn jedeldetýge baǵyttalǵan. Eki el arasynda biryńǵaı elektrondy deklarasııa engizilip, barlyq qujattar sıfrlyq formatta rásimdeledi. Júk kólikteriniń qozǵalysy táýlik boıy toqtamaı júredi, al baqylaý men baǵytty qadaǵalaý arnaıy avtomattandyrylǵan júıeler arqyly iske asady.
Osy jobadan kútiletin nátıjeler mynadaı: júk aǵyny jylyna 10 mıllıon tonnaǵa deıin ulǵaıady; kedendik rásimdeý ýaqyty men qarjylyq shyǵyndar azaıady; shekara mańynda logıstıkalyq ortalyqtar damıdy; aýyl sharýashylyǵy ónimderin Qytaıǵa eksporttaý jeńildeıdi.
Bul bastama Memlekettik kirister komıtetiniń tóraǵasy Jandos Dúısembıev pen Qytaıdyń Tachen qalalyq partııa komıtetiniń hatshysy Chjı Sıanveı arasyndaǵy resmı kezdesý nátıjesinde qolǵa alyndy. Kezdesý barysynda eki tarap ózara yntymaqtastyq týraly memorandýmǵa qol qoıdy.
Aıta keteıik, osyǵan deıin Qazaqstan men Qytaı arasynda jańa temirjol dálizin ashý máselesi de talqylanǵan bolatyn.
