Foto: BQO dene shynyqtyrý jáne sport basqarmasy baspasóz qyzmetinen
Azııa qurlyǵyndaǵy bedeldi dodaǵa bıyl 5 memleketten 6 úzdik komanda qatysqan edi. BQO dene shynyqtyrý jáne sport basqarmasy baspasóz qyzmetiniń habarlaýynsha, báseke óte qyzý bolǵan. Qazaqstan atynan synǵa túsken «Jaiyq» klýby elimizdiń tájirıbeli bapkeri Vıktor Kozıktiń jetekshiligimen sátti óner kórsetip, el voleıbolynyń bedelin taǵy bir márte asqaqtatty.
Bir apta boıy ótken tartysty chempıonatta «Jaiyq» komandasy Kirgyzstan klýbyn, jergilikti Club HDC jáne Dhivehi Sifainge club komandalaryn 3:0 esebimen, Shrı-Lankanyń Ports Authority komandasyn 3:1 esebimen jeńgen. Jalpy týrnır barysynda 6 matchtyń 5-eýinde jeńiske jetken «Jaiyq» klýby Ortalyq Azııa deńgeıinde úzdik ekenin dáleldep shyqqan.
Týrnır qorytyndysy boıynsha da «Jaiyq» klýbynyń birneshe oıynshysy úzdikter qatarynan kórindi. Atap aıtqanda Vıtalıı Erdshteın – týrnırdiń úzdik oıynshysy, sondaı-aq úzdik dıagonalshi atansa, Volodımır Kovalchýk – úzdik baılanystyrýshy, Vladımır Prokofev – úzdik shabýylshy degen ataqqa ıe boldy.
«Bul týrnır – biz úshin tek jarys emes, elimizdiń namysyn qorǵaý jolyndaǵy mańyzdy qadam boldy. Jeńisterimiz – búkil Qazaqstan voleıbolynyń jeńisi», – deıdi klýb dırektory Azamat Nurmuhanbetov.
Batys Qazaqstan oblysy
