Aldymen Almaty qalasynda qalalyq qulaqtandyrý júıesi tekserildi – sırena-sóıleý sıgnaldary estildi, tele jáne radıoarnalardy ustap qalý júzege asyryldy. «Shın-Laın» JShS bazasynda aǵyp ketken ammıak hımııalyq apatyn joıý boıynsha taktıkalyq-arnaıy oqý-jattyǵý ótkizildi. Oqý-jattyǵýǵa jeke quramnan 50-den astam adam, 15 birlik tehnıka, qutqarýshylar men órt sóndirýshiler jumyldyryldy. Hımııalyq barlaý, sý perdesin jasaý jáne arnaıy jabdyqtyń kómegimen aǵyp ketýdi joıý júrgizildi. Qalanyń áleýmettik nysandarynda seısmıkalyq jattyǵýlar, halyq arasynda túsindirý jumystary, áskerı bólimsheler men volonterlerdiń qatysýymen mobıldiligi tómen toptardy evakýasııalaý júrgizildi.
Al Aqmola oblysynda (Kókshetaý qalasynda) jer silkinisiniń saldarlaryn joıý kezindegi kúshterdiń ózara is-qımylyn tekserýge basty nazar aýdaryldy. Apattyq-qutqarý is-áreketteri, kınologtermen izdestirý is-sharalary jáne bólimshelerdiń shyǵý marshrýttary pysyqtaldy.
Sondaı-aq Atyraýda dalalyq shtab, gospıtal, tirkeý jáne ýaqytsha ornalastyrý pýnktteri ashyldy. Avıasııanyń kómegimen shartty túrde zardap shekkenderdi evakýasııalaý, gıdravlıkalyq jabdyqty qoldana otyryp, úıindilerden qutqarý júrgizildi.
Almaty oblysynda oblystyq seısmıkalyq jattyǵýlar ótkizildi. Turǵyn alaptary men áleýmettik nysandarda evakýasııalaý, shartty órtti sóndirý, múmkindigi shekteýli azamattarǵa kómek kórsetý pysyqtaldy. Barlyq bilim berý jáne densaýlyq saqtaý nysandarynda TJ kezindegi is-qımyldar boıynsha jattyǵýlar ótti.
Shyǵys Qazaqstan oblysynda qutqarý is-sharalaryn tájirıbelik pysyqtaý, shatyrly lagerlerdi óristetý, medısınalyq jáne psıhologııalyq kómekti uıymdastyrý, temirjol arqyly ınjenerlik tehnıkanyń kelýi jalǵasty.
Batys Qazaqstan oblysynda 684 adam men 196 birlik tehnıkanyń qatysýymen 15 praktıkalyq is-shara júzege asyryldy. Ýaqytsha ornalastyrý lagerleri ornatyldy, densaýlyq saqtaý obektilerinde is-qımyldar pysyqtaldy.
Oqý-jattyǵý qorytyndysy barlyq tartylǵan qyzmetter is-qımyldarynyń daıyndyǵy men úılesimdiligin rastady. Naqty tótenshe jaǵdaılar kezindegi jumysty odan ári jetildirý baǵyttary aıqyndaldy.
