Foto: azretsultan.kz
«Áziret Sultan» Ulttyq tarıhı-mádenı mýzeı-qoryǵy» RMQK – respýblıkamyzdaǵy irgeli mýzeılerdiń biri. Mýzeı ıslam dininiń kórnekti jarshysy, «Túrkistan piri» atanǵan ǵulama Qoja Ahmet Iаsaýı ( Áziret Sultan) qurmetine arnap HIV ǵasyrdyń sońynda Ámir Temir saldyrǵan kesene negizinde Túrkistan qalasynda 1977 jyly 28 naýryzda Qazaq SSR Mınıstrler keńesiniń №144-R qaýlysymen «Respýblıkalyq Qoja Ahmet Iаsaýı kesenesi sáýlet ǵımaraty mýzeıi» retinde ashyldy. 2023 jyly 19 jeltoqsanda Qazaqstan Respýblıkasy Prezıdentiniń №415 Jarlyǵymen «Áziret Sultan» memlekettik tarıhı-mádenı mýzeı-qoryǵyna elimizde mýzeı-qoryqtary arasynda alǵashqy bolyp Ulttyq mártebe berildi.
«Áziret Sultan» Ulttyq tarıhı-mádenı mýzeı-qoryǵy – elimizdiń rýhanı astanasyna kelýshiler úshin mańyzdy rýhanı jáne týrıstik oryn. Tarıhı oryndarǵa kelýshiler sany jyl sanap artyp, mýzeı jumysynyń aýqymy keńeıip kele jatqanyna qaramastan, sońǵy jyldary qyzmet quny ózgermegen.
2011 jyly qabyldanǵan «Memlekettik múlik týraly» QR Zańynyń 140-babyna sáıkes, memlekettik qazynalyq kásiporyndardyń jumysy tek bıýdjet qarjysy esebinen emes, sonymen birge óz kiris kózderi arqyly da qarjylandyrylýy tıis. Osyǵan oraı, Mádenıet jáne sport mınıstrliginiń 2015 jylǵy №354 buıryǵyna sáıkes, «Áziret Sultan» mýzeı-qoryǵyna aqyly qyzmetterden túsetin tabys kólemi jyldyq shyǵynnyń 30 paıyzynan kem bolmaýy qajet.
Qazirgi tańda mýzeı-qoryqta aqyly negizde ekskýrsııalyq qyzmet, aýdıogıd qyzmeti, foto-vıdeo túsirilim, tarıhı-mádenı saraptama júrgizý, aqyly dáris, leksııa, kvest, trenıng, t.b. ǵylymı-mádenı sharalar ótkizý sııaqty túrli qyzmetter usynylady. Bul qyzmetterden túsetin qarjy mýzeıdiń materıaldyq-tehnıkalyq bazasyn jańartýǵa, ǵylymı-zertteý men mádenı-aǵartýshylyq jobalardy júzege asyrýǵa jumsalady.
Degenmen kórshiles eldermen salystyrǵanda elimizde rýhanı oryndarǵa kirý baǵasy edáýir tómen. Máselen, О́zbekstandaǵy Samarqan mýzeıine kirý quny sheteldikter úshin shamamen 1 640 teńge, al Máskeý qalasyndaǵy Kreml mýzeıiniń bılet quny 7 414 teńgege deıin jetedi. Qyrǵyzstan Respýblıkasynyń memlekettik mýzeıine kirý – 1 200 teńgeden asady. Iаǵnı, Qazaqstandaǵy mýzeıge kirý quny TMD elderine qaraǵanda birneshe ese arzan.
Osy arada taǵy bir mańyzdy faktor – ınflıasııa deńgeıi. Ulttyq statıstıka bıýrosynyń málimetine súıensek, 2015 jyldan 2025 jylǵa deıin eldegi tutyný taýarlary men qyzmetter baǵasy 2,6 esege artqan. Mýzeıdi ustaýǵa ketetin shyǵyndar orta eseppen 4,6 ese kóbeıgen.
Týrızmdi damytý, rýhanı qundylyqtardy urpaqqa jetkizý úshin mýzeılerdiń turaqty damýy asa mańyzdy. Bul – búgingi kúnniń suranysy. Baǵalardyń ózgerýi –mýzeıdiń sapaly qyzmet kórsetýi men tarıhı-mádenı murany saqtaýdaǵy tıimdiligin arttyrýǵa baǵyttalǵan qadam.
Osyǵan oraı, Mádenıet jáne aqparat mınıstriniń 2025 jylǵy 4 shildedegi № 307-NQ «Qazaqstan Respýblıkasy Mádenıet jáne aqparat mınıstrliginiń respýblıkalyq memlekettik qazynalyq kásiporyndary óndiretin jáne satatyn taýarlarǵa (jumystarǵa, kórsetiletin qyzmetterge) baǵalardy belgileý týraly» buıryǵyna sáıkes mýzeı-qoryqqa kirý bıletiniń baǵasy:
Qazaqstan azamattary úshin – 300-1 000 teńge aralyǵynda
Shetel azamattary úshin – 1 500-2 000 teńge
Ujymdyq kelýshilerge ekskýrsııalyq qyzmet kórsetý – 1 000-5 000 teńge kóleminde belgilengen, dep jazylǵan «Áziret Sultan» Ulttyq tarıhı-mádenı mýzeı-qoryǵynyń arnaıy habarlamasynda.
