Fotolar: Astana ákimdigi
«Ortalyqtandyrylǵan kitaphanalar júıesi» KMM dırektorynyń orynbasary Bekbolat Arystanbekovtyń aıtýynsha ekobýkkrossıng sóresi – kitaphana qyzmetkerleri men oqyrmandardy ortaq keńistikte biriktiredi, onda árkim kitapty qoqysqa tastaýdyń nemese paıdalanbaı qur saqtaýdyń ornyna basqa oqyrmanǵa bere alady, ıaǵnı bir-birimen kitap almasady.
«Ekobýkkrosıngke qoıylǵan basty taqyryptar elimizde mekendeıtin janýarlar túrlerine, elimizdiń tabıǵatyna, qoryqtaryna, taýly aımaqtaryna arnalady. Kórmege ósimdikter álemi, balalarǵa arnalǵan ekologııalyq álippe syndy kitaptardy qoıdyq. Sondaı-aq kelýshiler kórmeden oblystardyń sulý tabıǵaty týraly kitaptardy da taba alady. Kitaptardy alý úshin ár adam óziniń ekologııalyq baǵyttaǵy bir kitabyn ákelip, ornyna basqa kitapty alyp kete alady», dedi B.Arystanbekov.
Aıta ketelik, atalǵan erekshe is-shara jyl sońyna deıin bolady.
