Foto: polisia.kz
IIM dereginshe, qylmyskerler ınternet-resýrstardy júıeli túrde paıdalanyp, jynystyq qanaýǵa qatysty zańsyz qyzmet túrlerin jarnamalap, júrgizgen.
Olar uıymdasqan qylmysy arqyly mıllıardtaǵan paıda tapqan. Aldyn ala derekter boıynsha qylmystyq toptyń kúndelikti tabysy 1,5 mln teńgege deıin jetken. Al 2024 jyldyń basynan beri qarjy aınalymy 1,7 mlrd teńgeden asqan.
Tintý barysynda olardan aqsha, bank kartalary, avtokólikter, kompıýterler, uıaly telefondar jáne basqa da sıfrlyq aqparat tasymaldaǵyshtar tárkilengen. Negizgi fıgýranttar men olardyń sybaılastaryna qatysty qamaýǵa alý túrindegi bultartpaý sharasy qoldanylǵan.
IIM atalǵan faktiler boıynsha Qylmystyq kodekstiń adam saýdasy men uıymdasqan qylmystyq topty qurý jáne oǵan qatysý baptary boıynsha sotqa deıingi tergeý amaldary júrgizilip jatqanyn habarlady. Mundaı qylmystar úshin 12 jylǵa deıin bas bostandyǵynan aıyrý jáne múlkin tárkileý túrindegi jaza qarastyrylǵan.
