Foto: Ashyq derekkóz
2025 jylǵy 1 shildedegi jaǵdaı boıynsha Qazaqstanda 80 932 ardager tirkelgen. Olardyń ishinde:
- Uly Otan soǵysyna qatysqandar – 96 adam;
- UOS ardagerlerine teńestirilgender – 16 630 adam;
- Basqa memleketter aýmaǵyndaǵy áskerı qımyldarǵa qatysqan ardagerler – 26 580 adam;
- UOS jyldaryndaǵy tyl eńbekkerleri – 37 626 adam.
Eńbek jáne halyqty áleýmettik qorǵaý mınıstrliginiń málimetinshe, atalǵan sanattaǵy azamattarǵa 2025 jyly 8,5 mlrd teńge kóleminde arnaýly memlekettik járdemaqy tólengen. Jalpy, bul maqsatqa 17 mlrd teńge kóleminde qarajat qarastyrylǵan.
Járdemaqylar respýblıkalyq bıýdjetten aı saıyn tólenedi jáne ardagerdiń basqa da áleýmettik tólemder alýyna qaramastan, tómendegi mólsherde beriledi:
1) UOS ardagerleri – 16 AEK (2025 jyly – 62 912 teńge);
2) jeńildikteri boıynsha UOS ardagerlerine teńestirilgen ardagerler, olardyń ishinde:
- UOS kezeńinde jaraqat alýy, kontýzııa alýy, mertigýi nemese aýrý saldarynan múgedektigi bar adamdarǵa jeńildikter boıynsha teńestirilgen adamdar – 7,55 AEK (2025 jyly – 29 687 teńge);
- jeńildikter boıynsha UOS qatysýshylaryna teńestirilgen tulǵalar – 6,19 AEK (2025 jyly – 24 339 teńge);
3) basqa memleketterdiń aýmaǵyndaǵy urys qımyldarynyń ardagerleri, onyń ishinde:
- Aýǵanstandaǵy urys qımyldaryna qatysýshylar – 6,19 AEK (2025 jyly – 24 339 teńge);
- Tájik-Aýǵan ýchaskesinde TMD shekarasyn qorǵaýdy kúsheıtý jónindegi mindetterdi oryndaǵan, Iraktaǵy halyqaralyq bitimgershilik operasııaǵa, Taýly Qarabaqtaǵy etnosaralyq qaqtyǵysty retteýge qatysqan áskerı qyzmetshiler – 4,8 AEK (2025 jyly – 18 874 teńge);
4) UOS jyldaryndaǵy tyl eńbekkerleri – 2,13 AEK (2025 jyly – 8 376 teńge).
