Adam denesiniń qartaıýy birkelki júrmeıdi. Shamamen 50 jasqa kelgende, aǵzanyń tozý úderisteri qarqyndy júre bastaıtyn betburys kezeńi bastalady. Bul týraly Qytaı ǵylym akademııasynyń ǵalymdary júrgizgen zertteýde aıtylǵan.
Ǵalymdar 14 pen 68 jas aralyǵyndaǵy 76 adamnyń aǵzasyndaǵy segiz túrli júıeni zerttegen.
Olar 45 pen 55 jas aralyǵynda aıqyn bıologııalyq ózgeristerdiń bolatynyn anyqtaǵan.
Qartaıý aldymen júrek pen qan tamyrlaryn, sonyń ishinde aǵzaǵa qan taratatyn eń negizgi tamyr – aortany álsiretetini baıqalǵan.
Zertteý avtorlary qartaıý birtindep emes, tolqyn tárizdi – kenet ózgerister kezeńimen júretin úderis degen qorytyndyǵa kelgen.
Olardyń pikirinshe, qan tamyrlary aǵza boıynsha qartaıý úderisterin iske qosatyn zattardyń taralýynda mańyzdy ról atqarýy múmkin.
Ǵalymdar bolashaqta osyndaı "bıologııalyq ózgeris núktelerin" tereńirek zertteý adam aǵzasynyń jasqa baılanysty tozý mehanızmderin jaqsyraq túsinýge jáne ony baıaýlatý joldaryn tabýǵa kómektesedi dep úmittenedi.
