Kollajdy jasaǵan Qonysbaı ShEJIMBAI, «EQ»
Olardyń jaýapkershiligi, dáldigi jáne adaldyǵy el ishindegi jáne onyń shekaralarynan tys júkter men jolaýshylardyń úzdiksiz qozǵalysyn qamtamasyz etedi.
Qazaqstannyń tranzıttik áleýeti men aýqymdy ınfraqurylymdyq jobalardyń ósýi jaǵdaıynda adamı kapıtaldyń róli birinshi orynǵa shyǵady. Adamdar, olardyń bilimi, tájirıbesi men bastamasy bolmasa, tehnologııalyq serpilister de, kúrdeli logıstıkalyq tizbekterdi tıimdi basqarý da múmkin emes.
Memleket kadrlardy daıarlaýǵa, biliktiligin arttyrýǵa jáne kólik salasynda laıyqty eńbek jaǵdaılaryn jasaýǵa erekshe mán beredi. Adamǵa ınvestısııa – bul jalpy salanyń turaqtylyǵy men básekege qabilettiligine ınvestısııa.
Jyl saıyn tamyz aıynyń birinshi jeksenbisinde Qazaqstanda Kólik qyzmetkerleri kúni atap ótiledi. Ol resmı mártebege ıe jáne 1998 jyly respýblıka Prezıdentiniń Jarlyǵymen bekitilgen Qazaqstan Respýblıkasynyń kásibı merekeleriniń tizbesine kiredi.
Kólik júıesi tek ınfraqurylym ǵana emes, ekonomıkanyń turaqty damýynyń negizi bolyp tabylady. Kólik mınıstrliginiń 2025 jylǵy qańtardaǵy derekterine sáıkes, 9,7 mln jumyspen qamtylǵan halyqtyń ishinde 772 myń adam kólik sektorynda eńbek etedi, onyń basym bóligin temirjol jáne avtomobıl kóligi, logıstıka jáne qoımalaý qyzmetkerleri alady. Sala ókilderiniń úılesimdi jumysynyń arqasynda kólik ınfraqurylymy belsendi túrde jańǵyrtylyp, jańartylýda, tasymaldaý kólemi ósýde, mýltımodaldy tasymaldar iske asyrylýda.
Biregeı geografııalyq ornalasý bizdiń elimizdi Shyǵys pen Batys arasyndaǵy tabıǵı kópirge aınaldyrady. Tranzıttik áleýetti damytý – ekonomıkalyq derbestik pen básekege qabilettilikti kúsheıtýdiń kilti.
Úkimet kólik ınfraqurylymyn jańǵyrtý, logıstıkalyq ortalyqtardy damytý, sıfrlandyrý jáne tasymaldaý qaýipsizdigin arttyrý saıasatyn dáıekti túrde iske asyrýda. Bul sharalar eldiń strategııalyq múddelerine qyzmet etedi jáne bolashaq ósýdiń berik negizin quraıdy.
