Foto: yandex.kz
Otandyq lokomotıvter parkinde shamamen 1 800 birlik bar, bıyl taǵy 200 birlik satyp alý josparlanyp otyr. Vagon segmentinde 300-den astam operator jumys isteıdi, 140 myń júk vagony tirkelgen. Byltyr 2 350 jańa vagon satyp alyndy, osyǵan uqsas kólem satyp alý aǵymdaǵy jylǵa kózdelgen, bul ishki naryqtyń qajettilikterin qamtamasyz etýge múmkindik beredi.
Temirjol ınfraqurylymyn keńeıtý: jańa marshrýttar jáne jańǵyrtý
Elimizde jalpy uzyndyǵy 1 300 shaqyrym aýqymdy temirjol jobalarynyń kesheni iske asyrylyp jatyr. Temirjol jáne sý kóligi komıteti tóraǵasynyń orynbasary N.Kelbýǵanovtyń aıtýynsha, 2025 jyly negizgi ýchaskeler – «Dostyq – Moıynty» jáne Almaty stansııasynyń aınalma jelisi aıaqtalyp, paıdalanýǵa beriledi. Bir mezgilde «Darbaza – Maqtaral», «Aıagóz – Baqty» jáne «Qyzyljar – Moıynty» (366 shaqyrym) jańa jelileriniń qurylysy júrgizilip jatyr, bul – Transkaspıı marshrýtynyń uzaqtyǵyn 150 shaqyrymǵa qysqartady.
О́tkizý qabiletin arttyrý úshin «Altynkól – Jetigen» jáne «Beıneý – Mańǵystaý» ýchaskeleri jańartylady, sondaı-aq «Qyzyljar – Sekseýil» jáne «Shalqar – Beıneý» segmentterinde zamanaýı avtobuǵattaý júıeleri engiziledi. 2023-2024 jyldary 2 800 shaqyrym jol jóndelgen.
Otandyq termınaldar shetelde – Alıat (Ázirbaıjan), Selıatıno (Reseı), Svısloch (Belarýs) jáne Tashkentte belsendi damyp jatyr. Olardyń jıyntyq qýaty jylyna 1 mln konteınerden asady. Bolashaqta Rýmynııada, Vengrııada jáne Úrimshide (QHR) keńeıtý josparlanyp otyr. Termınaldyq qýattardyń jalpy kólemi 2,5 mln konteınerge deıin ósedi. Tranzıttiń úsh ese – jyl saıyn 76 mln tonnaǵa deıin aıtarlyqtaı ósýi kútilip otyr, bul Qazaqstannyń óńirdiń negizgi kólik-logıstıkalyq haby retindegi pozısııasyn nyǵaıtady.
