Arystar týraly trılogııa

Kórmede Abaı Qunanbaıulynyń shyǵarmashylyq murasy – óleńderi men qara sózderi, aýdarmalary men fılosofııalyq oı-tolǵaýlary keńinen nasıhattalǵan. Keleli kórmege 184 ki­tap, 4 dáıekti sóz (sıtata) jáne 8 sýret qoıylyp, ekspozısııa birneshe taqy­rypta qarastyrylǵan.

Atap aıtsaq, «Qalyń elim, qazaǵym» bóliminde Abaıdyń ár jyldary jaryq kórgen óleńder jınaqtary men 1909 jyly Sankt-Peterbýrgte shyqqan alǵashqy basylymnan bastap, keıingi tolyq jınaqtar qamtylǵan. Al «Abaı jáne mýzyka» bóliminde – Abaı­dyń án murasy, mýzykalyq yqpaly, son­daı-aq ánderiniń keıingi operalyq, sımfonııalyq shyǵarmalarǵa arqaý bolǵany kórinis tapty. Sonymen ­qa­tar «Abaı – álem tilderinde», «Abaı­dyń dúnıetanymy», «Abaı mura­ger­leriniń eńbekteri» atty bólimder hakim álemin jan-jaqty ashýǵa baǵyt-
talǵan.

Keleli is-sharada belgili ­jazý­shy, abaıtanýshy-muhtar­ta­ný­shy, maıdanger, ustaz Kámen Ora­zalınniń (1920–2008) «Abaıdan sońǵy arystar» atty úsh tomdyq kitabynyń tanystyrylymy ótti.

«Abaıdan sońǵy arystar» roman-trılogııasy – bıyl týǵanyna 105 jyl tolyp otyrǵan jazýshy Kámen Orazalınniń qazaq halqynyń dańqty perzentteriniń el táýelsizdigi úshin kúresken kúrdeli kezeńin sýrettegen shyǵarmasy.

Romanda «Alash» kósemderi Álıhan, Ahmet, Júsipbek, Halel, Álimhandardyń halyqqa jasaǵan eńbek­teri jan-jaqty beınelenip, Shákárim, Abaı balasy Mekaıil, ­Muh­tar Áýezov bolmysy ártúrli ­obrazdarmen jańasha somdalǵan.

Is-sharaǵa fılologııa ǵylym­da­rynyń doktory, abaıtanýshy Tursyn Jurt­baı, fılologııa ǵylymdarynyń doktory, professor Serik Negımov, tarıh ǵylymdarynyń doktory, profes­sor, Eýra­zııa ýnıversıtetiniń rektory Erlan Sydyqov syndy zııaly qaýym ókilderi qatysyp, eleýli shyǵarmany jan-jaqty taldap, lebizderin bildirdi.