Bıylǵy jyly «Jalpyǵa mindetti bilim berý» qorynan 60 948 balaǵa qoldaý kórsetý úshin 2,8 mlrd teńgeden astam qarajat bólindi. Ár balaǵa 46 228 teńge mólsherinde kómek qarastyrylǵan. Bul soma sońǵy úsh jyldaǵy kórsetkishtermen salystyrǵanda 2,5 ese artyq. Barlyq tólemder 20 tamyzǵa deıin ata-analardyń shottaryna aýdarylady.
Memlekettik kómekten bólek, aksııa aıasynda qaıyrymdylyq jármeńkeleri uıymdastyrylyp, demeýshiler esebinen kıim-keshek pen oqý quraldary úlestirilýde. Jergilikti kásipkerler men eriktiler bul bastamany belsendi túrde qoldap otyr.
Salystyryp qarasaq, 2023 jyly 56 974 balaǵa 2,4 mlrd teńge kóleminde kómek kórsetilse, 2024 jyly bıýdjetten tys qarajat esebinen 20 250 oqýshy qoldaýǵa ıe bolǵan. Bıyl kómek alýshylardyń sany 60 948 balaǵa jetip otyr.
«Mektepke jol» aksııasy – bul tek qarjylaı qoldaý ǵana emes, árbir balanyń bilim alý quqyǵyn qamtamasyz etýdiń jáne qoǵamdaǵy áleýmettik jaýapkershilikti arttyrýdyń tıimdi tetigi.
Almaty oblysy
