Joǵary deńgeıdegi qamqorlyq
Maýsym aıynda kompanııa Temirtaý men Jezqazǵan qalalarynda zamanaýı vahtalyq qalashyqtardyń qurylysyn bastap ketti. Bul keshenderde demalys bólmeleri bar jataqhanalar, dýsh kabınalary, jattyǵý zaly, kir jýatyn oryn, ashana, oqý synyby bar keńse ǵımaraty, dárigerlik pýnkt, serverlik bólme, keshenge kirip-shyǵýǵa arnalǵan baqylaý-ótkizý pýnkti ornalasqan.
Bul jaı ǵana standart emes – úıden alys jumys isteıtinderge degen joǵary deńgeıdegi qamqorlyq.
Jaqsy ómirge arnalǵan 73 joba
2025 jylǵa arnalǵan IR-skrınıng pen kúrdeli salymdar jospary aıasynda kompanııa 73 jobany júzege asyryp keledi.
«Aqtaý» MGQB-da Opornyı, Beıneý jelilik-óndiristik basqarmalaryndaǵy (JО́B) turmystyq úı-jaılar jóndeldi. «Aqtóbe» MGQB-da ǵımarattardyń qasbeti, dýsh kabınalary jańartyldy, terezeler men shatyr aýystyryldy, qyzmettik paıdalaný blogy jóndeldi. «Qyzylorda» MGQB-da ákimshilik ǵımarattardy jóndeý aıaqtaldy. «Almaty» MGQB-da qyzmettik paıdalaný bloginiń, qoıma jáne sport zalynyń kúrdeli jóndeý jumystary aıaqtalýǵa taıaý.
Qazirgi ýaqytta «Aqtaý» MGQB-da jataqhana jóndelip, jańa qazandyq ornatylyp jatyr. «Aqtóbe» MGQB-da jańa jaryqdıodty jaryqtandyrý ornatylyp, klımattyq júıeler jańartylýda. «Taraz», «Qostanaı», «Atyraý» MGQB-da baqylaý-ótkizý pýnktteri, elektr keptirgishter men keptirý kameralary jáne taǵy basqalary qalpyna keltirilip otyr.
Jaılylyq usaq-túıekten bastalady
Kompanııa jumysshylardy ornalastyryp, turmystyq aımaqtardy jabdyqtaýdyń jańa standarttaryn belsendi túrde engizýde. Olar:
– jıhaz: kereýetter, ústelder, shkaftar, kıim ilgishter;
– tehnıka: kondısıonerler, sý jylytqyshtar, kir jýǵysh mashınalar, muzdatqyshtar;
– jaılylyq: jalıýzder, aına, qol keptirgishter, mıkrotolqyndy peshter.
Jaıly ortany qalyptastyrý – qyzmetkerlerdi yntalandyrý men ónimdiligin arttyrýǵa salynǵan ınvestısııa.
Kásipke degen maqtanysh – ıntergazdyqtar júreginde
«Intergaz Ortalyq Azııa» AQ jumysshy mamandyqtarynyń bedelin arttyrý baǵytynda belsendi jumys júrgizip jatyr. Basty basymdyq – ashyq qarym-qatynas. Bul – eńbek ujymdarynyń basshylyq, ombýdsmen, kásipodaqpen turaqty kezdesýleri – ashyq dıalog pen senim keńistigi.
Áıelder bastamasynyń orny bólek
Gaz qubyrlaryndaǵy óndiris negizinen erlerge arnalǵanymen, IOA ujymynyń 11%-yn áıelder quraıdy. Sondyqtan kompanııanyń barlyq fılıaldarynda Áıelder klýbtary jumys isteıdi. Munda kezdesýler, trenıngter, kásibı damý baǵdarlamalary ótedi.
Áıelder men erler – fılıaldardaǵy qyzmetkerler JО́B arasynda taǵylymdamadan ótip, rotasııaǵa qatysady, bul bilim almasý men komanda quramyn kúsheıtý úshin qajet.
Júzden – júırik, myńnan – tulpar
Ujym jumysyndaǵy motıvasııalyq sátterdiń biri – óz kásibiniń úzdikteri arasyndaǵy «Úzdik maman» baıqaýy. Búginde kompanııanyń jumysshy mamandyqtarmen aınalysatyn qyzmetkerleri barlyq fılıaldarda ótip jatqan irikteý týrlary sheńberinde jyldyń úzdik kásibı mamany ataǵy úshin saıysqa túsýde. Baıqaýdyń qyrkúıekte ótetin fınaly jyldyń basty oqıǵasyna aınalmaq.
Densaýlyq – basty nazarda
Kompanııa úshin ár qyzmetkerdiń densaýlyǵy – tabysty jumystyń kepili.
Sol sebepti aldyn alý jáne eńbek úderisiniń toqtap qalýyn boldyrmaý úshin kompanııa ASMO atty elektrondy medısınalyq tekseris júıesin engizdi, ol densaýlyqqa tónetin yqtımal qaýipter men kásiptik aýrýlardy aldyn ala anyqtaýǵa múmkindik beredi.
Endi barlyq jumys nysandaryndaǵy «Densaýlyq buryshtarynda» qyzmetkerlerge avtomatty tonometrler, glıýkometrler, dári qobdıshalary men defıbrıllıatorlar kómegimen kúndelikti tekserýler júrgiziledi. Bul – shuǵyl jaǵdaılarda jedel járdem kelgenge deıin adam ómirin saqtap qalýdyń joly.
Maqsatymyz aıqyn: eńbekke qurmet pen mártebe
«Eńbek adamy – nazardan tys qalmaýǵa tıis. Biz tásilimizdi ózgertýdemiz: tek baqylap qana qoımaı, qoldaý kórsetemiz, tek talap etpeı, shabyttandyramyz», – deıdi kompanııa ókilderi.
«Intergaz Ortalyq Azııa» AQ – «Jumysshy mamandyqtarynyń jyly» naqty áreket pen qurmettiń, el ekonomıkasyn óz qoldarymen kóteretin qarapaıym eńbek adamdaryna degen alǵystyń jarqyn úlgisi.
«Qyzmetkerlerimizdiń jaılylyǵyna, densaýlyǵyna, olardy qoldap, damytýǵa salynǵan ınvestısııalar – bul shyǵyn emes, kompanııa turaqtylyǵynyń negizi!» – dál osy ustanymmen «Intergaz Ortalyq Azııa» aksıonerlik qoǵamy alǵa nyq qadam basyp keledi.
