Memlekettik eńbek ınspeksııasy komıteti Atyraý oblysy boıynsha departamentiniń basshysy Igilik Áýbákirovtiń deregine qaraǵanda, jumysshylardan 1300-den astam ótinish tirkelgen.
«Eńbek ınspektorlary 962 adamnyń eńbek quqyǵyn qalpyna keltirip, 40 jumysshynyń 36 mln teńgege jýyq jalaqy bereshegin óndirdi. Jumys berýshilerge 92 nusqama berilip, 61 zańdy tulǵaǵa 10 mln teńgeden astam aıyppul salyndy. Oblysta ujymdyq shartpen qamtý deńgeıi iri kásiporyndarda 78,2%, orta kásiporyndarda 77,1%, shaǵyn kásiporyndarda 33,9% qurap otyr», deıdi Igilik Áýbákirov.
Onyń aıtýynsha, bıyl alty aıda 36 óndiristik jazataıym oqıǵa tirkelgen. Osyndaı oqıǵalardyń aldyn alý úshin táýekel kartasy arqyly monıtorıng júrgizý qolǵa alynǵan.
