Zaýyt ónimderi tolyq derlik eksporttalady. Zamanaýı úlgidegi óndiris ornynyń qurylys jumystary sapaly oryndalyp, sońǵy úlgidegi tehnologııalar qoldanylǵan. Oblys ákimi Nuralhan Kósherov pen kompanııa dırektory Sıan Gýanjýı zaýyttyń lentasyn qıyp, arnaıy batyrmany basý arqyly nysandy iske qosty.
– Memleket basshysy Qasym-Jomart Kemeluly Toqaev ekonomıkany ártaraptandyrý, ınvestısııa tartý, óndiris oryndaryn ashý jóninde tapsyrma berdi. Bul baǵytta oblysymyzda naqty jumystar atqarylyp jatyr. Búgin ashylǵan alıýmınıı buıymdaryn óndirý zaýytynda zamanaýı jáne ınnovasııalyq tehnologııalar qoldanylǵan. Joba óńirde ónerkásip salasyn damytýǵa jáne kiris kózderin ulǵaıtýǵa yqpal etedi. Bul jobanyń júzege asyrylýy – bizdiń ortaq jetistigimiz. Meniń armanym jáne maqsatym – Túrkistandy dotasııalyq óńir deńgeıinen óz bıýdjetin qamtıtyn, óndirisi damyǵan oblysqa aınaldyrý. Sondyqtan oblysymyzda, onyń ishinde Ordabasy aýdanynda óndiristik jobalardy kóbeıtýdi josparlap otyrmyz. Indýstrııalyq aımaqtardyń jumysyn jandandyryp, jańa jobalardy júzege asyramyz. Oǵan tolyq múmkindigimiz bar, – dedi oblys ákimi Nuralhan Kósherov.
Sondaı-aq oblys ákimi jaýapty tulǵalar men kásipkerlerge zaýyttyń jumysyn sapaly úılestirýdi tapsyryp, bul baǵytta jan-jaqty qoldaý bolatynyn eske saldy.
Ǵalymjan ELShIBAI,
