Merekelik jıyn Bıken Rımova atyndaǵy drama teatry aldyndaǵy alańda ótip, oǵan oblys basshylyǵy, zııaly qaýym ókilderi, ardagerler, jastar jáne qala turǵyndary qatysty.
Shara teatrlandyrylǵan kórinisten bastaldy. Onda bala Abaıdyń dana Abaıǵa aınalý kezeńderi kórinis tapty. Jınalǵandar aqyn eskertkishine gúl shoqtaryn qoıyp, rýhyna taǵzym etti.
Merekelik baǵdarlama barysynda «О́leń – sózdiń patshasy» atty oblystyq músháırada júldeger atanǵan aqyndar Qaırat Bestibaev, Jomart Igiman, Sanjar Sultanǵazy óz arnaýlaryn oqydy. Sondaı-aq «Mızam» ádebıet mektebiniń shákirtteri Abaı óleńderin mánerlep jetkizdi. Jergilikti ónerpazdar uly aqynnyń ánderinen konserttik nómirler usyndy.
Memleket jáne qoǵam qaıratkeri Jomartqalı Jeksenbınov Abaıdyń birlik pen eńbekke úndegen murasynyń máńgilik mańyzyn atap ótti. Al aqyn Qaırat Bestibaev Abaı shyǵarmalaryn tereń túsinip oqýdyń qajettigin aıtty.
Aıta keteıik, aqynnyń mereıtoıyna arnalǵan onkúndik aıasynda buǵan deıin aqyndar músháırasy, karaoke keshi jáne ulttyq sport jarystary sekildi túrli mádenı jáne sporttyq is-sharalar ótken.
