Departament basshysy Samat Embergenniń deregine qaraǵanda, shaǵymnyń basym bóligi bólshek saýda, qoǵamdyq tamaqtaný, turǵyn úı-kommýnaldyq sharýashylyǵy, turmystyq qyzmet kórsetý, týrıstik jáne baılanys salasyndaǵy túıtkilge qatysty bolǵan.
«Jospardan tys 55 tekserý nátıjesinde 27 kásipkerge shara qoldanylyp, jalpy somasy 2,4 mln teńgeden astam aıyppul salyndy. Tutynýshylarǵa 24,6 mln teńgesi qaıtaryldy. Áleýmettik mańyzy bar azyq-túlik taýarlarynyń baǵasyn turaqtandyrý maqsatynda kúndelikti monıtorıng júrgiziledi. Jyl basynan beri «Saýda qyzmetin retteý týraly» zań talaptaryn buzǵan 40 kásipkerlik sýbektisine tekserý isi ashyldy. Onyń ishinde 16 kásipkerge aıyppul salynyp, jeteýine eskertý berildi. Baǵany turaqtandyrý úshin jergilikti óndirýshilerge 294 saýda orny tegin usynyldy», deıdi Samat Embergen.
Onyń aıtýynsha, «Saraıshyq» bazary men «Munaıshy» stadıony mańynda apta saıyn azyq-túlik jármeńkesi ótkiziledi. Jyl basynan beri 100-den astam jármeńke uıymdastyrylǵan.
