Úkimet Arnaýly memlekettik qordan Abaı oblysynda sýmen jabdyqtaý jelilerin salýǵa 10 mlrd teńgeden astam qarajat bólý týraly sheshim qabyldady.
О́ńirde barlyǵy 21 joba júzege asyrylyp jatyr, onyń jeteýi – Semeı qalasynda. Sýmen qamtý jumystary aýyldyq aýmaqtardy da qamtıdy. Atap aıtqanda, oblystyń Borodýlıha, Úrjar jáne Abaı aýdandarynda sýmen jabdyqtaý jelileri júrgiziledi.
Bul jobalardy júzege asyrý halyqtyń ómir súrý sapasyn arttyrýǵa, kommýnaldyq qyzmetterge qoljetimdilikti qamtamasyz etýge jáne Memleket basshysynyń tapsyrmalaryna sáıkes ınfraqurylymdy jańǵyrtýǵa baǵyttalǵan. Nysandardy bıyl paıdalanýǵa berý josparlanyp otyr.
О́nerkásip jáne qurylys mınıstrliginiń derekterine sáıkes, sýmen jabdyqtaý qyzmetterine qol jetkizý Semeı qalasynda 95,5%-dy, Abaı oblysynyń aýyldarynda 95%-dy quraıdy.
