B.Soqpaqbaev atyndaǵy Ortalyq saıabaqta ótken jattyǵýǵa grek-rım kúresinen Parıj Olımpıadasynyń kúmis júldegeri Demeý Jadyraev, bokstan Azııa jáne álemdik deńgeıdegi júldegerler, bıatlon, sadaq atý, djıý-djıtsý, baıdarka men kanoe chempıondary bar.
Chempıondar jastarǵa qımyl-qozǵalys tehnıkasyn kórsetip qana qoımaı, kásibı sporttaǵy tártip pen eńbekqorlyqtyń rólin túsindirdi.
«Búgingi ashyq jattyǵýǵa 150-ge jýyq jas qatysty. Bir saǵat boıy biz negizgi daıyndyq jattyǵýlaryn jasap, tájirıbe almastyq. Qatysýshylardyń arasynda kásibı sportpen aınalysatyndar da, alǵash ret mundaı sharaǵa kelgender de boldy. Mundaı jobalar jastardy sportqa baýlıp qana qoımaı, olardy jaman ádetterden alystatady. Bul bastamany júzege asyrýǵa «AMANAT» partııasynyń qoldaýy zor úles qosty. Sońǵy jyldary partııa oblysta ondaǵan sport nysanyn ashyp, jastar jobalaryn turaqty túrde qoldap keledi. Osyndaı júıeli jumystardyń arqasynda óńirimizden jańa chempıondar shyǵatynyna senimdimin», – dedi Demeý Jadyraev.
Jattyǵý barysynda qatysýshylar chempıondarmen ıyq tirestirip, túrli dene shynyqtyrý jattyǵýlaryn oryndady. Ár qımyldyń durys jasalýyna mán berilip, qatysýshylarǵa jeke keńester berildi.
Shara sońynda qatysýshylar chempıondarmen estelik sýretke túsip, erkin áńgimelesti.
Uıymdastyrýshylardyń aıtýynsha, «Chempıondyq Rýh» jobasy jyl sońyna deıin birneshe óńirde jalǵasyp, myńdaǵan jasty qamtıtyn bolady.
Almaty oblysy
