Oblystyq polısııa departamenti anyqtaý basqarmasynyń aǵa anyqtaýshysy Erjan Zııadımovtiń aıtýynsha, júrgizýshiler tarapynan jol erejesin, kólik quraldaryn paıdalaný qaǵıdalaryn buzý derekteri azaıar emes.
«Jyl basynan beri 145 jol-kólik oqıǵasy tirkeldi. Jol apatynyń saldarynan 49 adam qaza tapty. Qazir bul derekter boıynsha sotqa deıingi tergep-tekserý amaldary júrgizilip jatyr. Jol-kólik oqıǵalarynyń birneshe sebebi bar. Birinshiden, júrgizýshiler avtokólik jyldamdyǵyn shamadan tys asyrady. Ekinshiden, qarsy jolaqqa shyǵady. Úshinshiden, jaıaý júrginshilerdi arnaıy jolaqtan ótkizbeı qaǵyp ketedi. Tórtinshiden, manevr jasaý erejelerin óreskel buzady», dedi Erjan Zııadımov.
