Is-sharany «Baqytty bala» qoǵamdyq qory men Kásibı áleýmettik qyzmetkerlerdiń ulttyq alıansy, sondaı-aq «Azamattyq bastamalardy qoldaý ortalyǵy» KEAQ uıymdastyrdy.
Jıynǵa memlekettik organdardyń, úkimettik emes uıymdardyń, bilim berý mekemeleriniń jáne halyqaralyq uıymdardyń ókilderi qatysty.
Talqylaý barysynda kelesi máseleler qaraldy:
– bilim berý jáne tárbıe júıesine halyqaralyq standarttardy engizý;
– halyqtyń osal toptaryn azamattyq qatysý prosesterine tartý;
– arnaıy áleýmettik qyzmetter kórsetý boıynsha halyqaralyq tájirıbe;
– ınklıýzıvti qoǵam qurýdaǵy balalar men jasóspirimder qaýymdastyǵynyń róli;
– erekshe balalardyń tabysty ómirlik jetistikteri;
– áleýmettik jumysta sýpervızııanyń mańyzy;
– densaýlyq saqtaý júıesine kásibı standarttardy engizý.
Qatysýshylar halyqaralyq standarttardy qazaqstandyq tájirıbege beıimdeý maqsatynda sektoraralyq yntymaqtastyqty kúsheıtýdiń, tájirıbe almasý men naqty usynystar ázirleýdiń mańyzyn atap ótti. Áleýmettik qyzmetkerlerdi daıarlaý jáne olardyń biliktiligin arttyrý júıesin halyqaralyq talaptarǵa sáıkes jetildirý qajettiligi de sóz etildi.
Sonymen qatar, áleýmettik jumys júıesin ınstıtýsıonaldyq turǵyda damytýdyń, sonyń ishinde ÚEU-ǵa qajetti áleýmettik baǵyttaǵy resýrstardyń qoljetimdigi talqylandy. Balalardyń quqyqtaryn qorǵaý men kemsitýshiliktiń aldyn alý salasynda quqyqtyq tetikterdi damytý máselesine de nazar aýdaryldy.
Halyqaralyq sarapshylarmen jáne uıymdarmen turaqty tájirıbe almasý, qazaqstandyq mamandardyń sheteldik taǵylymdamalarǵa qatysýy jáne alynǵan bilim men tájirıbeni el jaǵdaıyna beıimdeý qajettiligi de aıtyldy.
Is-shara barysynda ázirlengen usynystar tıisti memlekettik organdar men azamattyq qoǵam ınstıtýttaryna joldanyp, odan ári qaralatyn bolady.
