Kúz jıyn-terin ýaqyty. Jerde ósken dándi jerde qaldyrmaýǵa tyrysqan oblys dıqandary qaýyrt qımyl ústinde. Ádette jaýapty naýqan aldynda is-qımyl barysyn ekshep, qolda bar kúshti tarazylap, jalpaq jurtty yryzdyq joryǵyna jumyldyrýǵa áreket etiledi. Taıaýda astyqty óńirde aýqymdy agrokeńes ótkizildi. Oblys ákiminiń orynbasary Murat Balpan tóraǵalyq etken jıynǵa 300-den astam dıqandar, aýyl sharýashylyǵy qurylymdarynyń basshylary, aýdan ákimderi jáne jergilikti atqarýshy organdardyń ókilderi qatysty.
Jıyndy ashqan Murat Balpan bıylǵy naýqannyń basty mindeti – jumystardy uıymdasqan túrde, qysqa merzimde jáne shyǵynsyz ótkizip, óńirdiń azyq-túlik qaýipsizdigin qamtamasyz etý ekenin atap ótti.
Aýyl sharýashylyǵy jáne jer qatynastary basqarmasynyń basshysy Nurbek Badyraqovtyń aıtýynsha, oblystyń jalpy egis alqaby 5,5 mıllıon gektardy quraıdy, onyń 495 myń gektary – maıly daqyldar, bul rekordtyq kórsetkish. Jınaýǵa shamamen 7 myń astyq jınaıtyn kombaın qatysady, olardyń úshten ekisi – zamanaýı, joǵary ónimdi tehnıka.
Jyl basynan beri oblys dıqandar shamamen 40 mıllıard teńgege 1,1 myń birlik aýyl sharýashylyǵy tehnıkasyn satyp alǵan. AО́K-ke memlekettik qoldaý kólemi 233,5 mıllıard teńgeni qurady, onyń ishinde 63,3 mıllıard teńge – qaıtarymsyz sýbsıdııalar. Qalǵan qarjy jeńildetilgen nesıeleýge jáne forvardtyq satyp alýǵa baǵyttaldy.
«Qazgıdromet» fılıalynyń málimetinshe, tamyz-qyrkúıek aılarynda aýa temperatýrasy norma sheginde, jaýyn-shashyn mólsheri normaǵa jýyq nemese tómen bolady. Kóptegen aýdandarda jazdyq bıdaıdyń ónimdiligi kópjyldyq ortasha kórsetkish deńgeıinde kútilýde, al Bulandy, Býrabaı, Zerendi jáne Sandyqtaý aýdandarynda ortasha kórsetkishten joǵary bolady dep boljandy.
Aqmola oblysy
