Prezıdent Qasym-Jomart Toqaevtyń tapsyrmalaryn júzege asyrý aıasynda Úkimet kóktemgi dala jumystaryn aldyn ala qarjylandyrýdy 2024 jyldyń qarasha aıynda bastady. Qabyldanǵan sharalardyń nátıjesinde Aqmola oblysynda 910 aýyl sharýashylyǵy qurylymy jeńildikpen nesıelendirýdi paıdalandy.
- Jeltoqsannan bastap bizdiń taýar óndirýshiler jeńildetilgen qarjylandyrýǵa qol jetkizdi. Atap aıtqanda, búgingi tańda 910 aýyl sharýashylyǵy qurylymy jalpy somasy 117 mlrd teńgeni 5%-ben aldy, — dedi Aqmola oblysy Aýyl sharýashylyǵy jáne jer qatynastary basqarmasynyń basshysy Nurbek Badyraqov.
2025 jyly óńirdegi aýyl sharýashylyǵy daqyldarynyń egis alqaby 5,5 mln gektardy qurady, bul ótken jylmen salystyrǵanda 300 myń gektarǵa artyq.
- Memleket basshysynyń tapsyrmasy aıasynda aýyl sharýashylyǵy daqyldaryn ártaraptandyrýǵa erekshe kóńil bólinýde. Onyń ishinde maıly daqyldardyń egis alqaby 226 myń gektarǵa ulǵaıyp, alǵash ret 495 myń gektar egildi, — dep atap ótti Nurbek Badyraqov.
Onyń aıtýynsha, memlekettik rezervten mıneraldy tyńaıtqyshtardyń qunyn sýbsıdııalaýǵa 12 mlrd teńge bólindi, bul olardy engizý kólemin aldyńǵy eki jylmen salystyrǵanda úsh esege arttyrýǵa múmkindik berdi.
Al Soltústik Qazaqstan oblysynda kúzdik bıdaıdyń ónimdiligi 50 s/ga jetken. Soltústik Qazaqstan oblysynda egin jınaý naýqany bastaldy. Kúzdik bıdaı egilgen alqaptardan fermerler gektaryna 40-50 sentnerden ónim jınaýda.Fermerlerdiń aıtýynsha, joǵary ónim memlekettik qoldaýdyń arqasynda múmkin boldy.
- Biz "Keń dala" baǵdarlamasy boıynsha bıyl 319 mln teńge aldyq. Memlekettik sýbsıdııalaý tyńaıtqyshtarǵa, tuqymdarǵa bólinedi, bul memleket tarapynan óte jaqsy qoldaý, — dep atap ótti Soltústik Qazaqstan oblysynyń fermeri Ǵabas Jantaev Prezıdenttiń tapsyrmasy boıynsha agrarshylarǵa kóńil bólgeni úshin alǵysyn bildirip.
