Agenttiktiń deregine súıensek, Ulybrıtanııa men Fransııa bul qadamǵa ashyq qarap otyr. Áskerdiń naqty sany, olardyń qaı jerde ornalasatyny jáne mıssııasynyń sıpaty áli sheshilgen joq. Degenmen, Eýropanyń birqatar eli Ýkraınaǵa áskerı kómek kórsetýdi kún tártibine qoıyp otyr.
Al ázirge ásker jiberýge daıyn basqa memleketterdiń aty jarııalanbady. Sondaı-aq AQSh-tyń bul josparǵa qanshalyqty qoldaý bildiretini de belgisiz bolyp otyr.
Bloomberg málimetinshe, Ýkraınaǵa arnalǵan qaýipsizdik kepildikteriniń jańa paketi osy aptada daıyn bolmaq. Bul bastama Vladımır Pýtın men Vladımır Zelenskııdiń kezdesýi qarsańynda Kıevtiń ustanymyn barynsha kúsheıtý úshin qolǵa alynyp otyr.
Eýropanyń mundaı sheshimi soǵys barysyna ózgeshe baǵyt berýi múmkin. Degenmen sarapshylardyń aıtýynsha, Ýkraınaǵa tikeleı ásker jiberý Reseı men Batys arasyndaǵy qaqtyǵysty odan ári ýshyqtyrý qaýpin de týdyrady.
