Mgorod.kz málimetinshe, shekaradan ótý úshin tasymaldaýshylarǵa «Shaǵan» (QR) – «Tıoploe» (RF), «Aqsaı» (QR) – «Ilek» (RF) jáne «Tasqala» (QR) – «Ozınkı» (RF) beketteri usynylǵan. Degenmen sońǵy kúnderi eń úlken júk kólikteriniń legi «Ozınkıge» shoǵyrlanǵan.
UQK Shekara qyzmetiniń BQO boıynsha basqarmasy kezektiń ulǵaıýyn negizgi tasymal baǵytynyń Saratov oblysyna aýystyrylýymen baılanystyrady.
«Memlekettik shekarada tártipti qamtamasyz etý úshin barlyq sharalar qabyldanyp jatyr. Biraq „Ozınkı“ beketinde júk kólikteri kóptep kelýde. Olardyń kóbinde júk bóliginde tehnologııalyq ótkelder bolmaǵandyqtan, tekserý ýaqyty uzaryp, ótkizý qarqyny baıaýlap otyr», – delingen vedomstvo habarlamasynda.
Qyzmet ókilderi rásimdeýdi jedeldetip, kezekterdi azaıtý úshin tasymaldaýshylarǵa júk bólikterin aldyn ala arnaıy ótkeldermen jabdyqtap júrýge keńes berdi.
