Energetıka mınıstri Erlan Aqkenjenovtiń aıtýynsha, negizgi maqsat – eldiń ekonomıkalyq ósimi men azamattardyń ál-aýqatyna berik negiz bolatyn senimdi ári zamanaýı energetıkalyq júıe qalyptastyrý.
«Elektr energetıkasy men jylýmen jabdyqtaýdaǵy basty mindet — qýat kózderin arttyrý jáne senimdi ınfraqurylym qurý úshin júıeli túrde jańǵyrtý jumystaryn júrgizý», dedi mınıstr.
Prezıdenttiń tapsyrmasyna sáıkes, aldaǵy bes jylda jalpy qýaty 14 GVt jańa energııa kózderi iske qosylady. Sonyń ishinde sońǵy eki jylda 1,3 GVt qýat paıdalanýǵa berildi.
Bıyl taǵy 622 MVt qosý josparlansa, 2026 jylǵa qaraı shamamen 2 700 MVt iske qosylady.
Qazir Túrkistan oblysynda qýaty 1000 MVt bolatyn elektr stansasy salynyp jatyr. Sonymen qatar, Qyzylorda qalasynda 240 MVt jańa jylý elektr ortalyǵynyń qurylysy bastaldy.
