Sonymen mereke aıasynda múgedektigi bar 8 323 balaǵa 5 AEK (19660 teńge) mólsherinde bir rettik áleýmettik kómek tólenedi. Al ata-anasynyń qamqorlyǵynsyz qalǵan balalarǵa – 20 AEK (786 40 teńge) mólsherinde bir rettik áleýmettik kómek qarastyrylady.
Tólemdi alý úshin eshqaıda ótinish berýdiń qajeti joq. Qarajat baza arqyly múgedektigi bar balalardyń analarynyń áleýmettik esepshottaryna avtomatty túrde aýdarylady. Al ata-anasynyń qamqorlyǵynsyz qalǵan balalarǵa arnalǵan tólemder olardy zańdy qamqorlyǵyna alǵan azamattardyń esepshottaryna túsedi.
Osy tusta mamandar Shymkent qalasyna qonys aýdarǵan nemese ýaqytsha tirkeýin basqa qalaǵa ne óńirge aýystyrǵan turǵyndar eger memlekettik zeınetaqy tólemderi bazasyndaǵy tirkeýi qala aýmaǵynda bolmasa, jergilikti bıýdjetten beriletin bir rettik tólemnen qaǵylatynyn eskertedi. Sondyqtan qalaǵa qonys aýdarǵan 18 jasqa deıingi erekshe kútimdegi balasy bar azamattar memlekettik zeınetaqy tólemderi Shymkentte tirkelgenin tekserip alý qajet.
Shymkent
