Foto: Instagram/lim_0n
Ánshi áleýmettik jelidegi paraqshasynda ádil qazylar alqasynyń tóraǵasy Igor Krýtoıdyń baıqaý qorytyndysyn jarııalaǵan sátiniń vıdeosyn jarııalady.
«2025 jylǵy Qazandaǵy «Novaıa volnada» Alex Lim jeńiske jetti», dep habarlady Krýtoı. Taǵy bir qazaqstandyq ánshi Yernazar 3-orynǵa ıe boldy.
Alex Lim Balqash qalasynda dúnıege kelgen, kóptegen vokaldyq baıqaýlar men jobalardyń qatysýshysy. Ol Tver qalasynda joǵary bilim alǵanymen, arnaıy mýzykalyq bilimi joq. Bul týraly baıqaýdyń resmı saıtynda jazylǵan.
33 jastaǵy qazaqstandyq «Novaıa volna» tarıhynda jeńiske jetken elimizdiń alǵashqy ókili atandy.
21 tamyzda bastalǵan baıqaý Qazandaǵy New Wave Hall konsert zalynda ótti. Oǵan Ázerbaıjan, Armenııa, Belarýs, Grýzııa, Qazaqstan jáne Reseıden kelgen 13 fınalıst qatysty.
