«Mundaı kóp fýnksııaly HQKO Qostanaıdan ózge, Qyzylorda men Qaraǵandyda jumys istep tur. Biz aldymen osy atalǵan eki qaladaǵy áriptesterimizdiń tájirıbesimen tanystyq. Eski ǵımarattyń qolaısyz bolǵany ras, avtoturaǵy tar boldy. Qazir bul másele sheshildi, jańa ǵımarattyń 80 oryndyq avtoturaǵy bar», deıdi «Azamattarǵa arnalǵan úkimet» KE AQ fılıalynyń dırektory Meıirjan Jańabaev.
Jergilikti bıýdjetten bólingen 180 mln teńge qarjyǵa kúrdeli jóndeýden ótken ǵımarattyń birinshi qabatyn túgelimen HQKO aldy. Al ekinshi qabatta kóshi-qon polısııasynyń, qalalyq jer qatynastary jáne sáýlet bóliminiń, TKQ bóliminiń, sondaı-aq kommýnaldyq qyzmet bólimsheleriniń mamandary jumys isteıdi.
Ortalyq ókilderiniń aıtýynsha, munda turǵyndardyń memlekettik qyzmet alýyna barynsha qolaıly jaǵdaı jasalǵan.
Qostanaı oblysy
