Oqıǵa • 28 Tamyz, 2025

Jyldamdyqty baqylaý júıesi 109 myńnan asa zań buzýshylyqty anyqtady

40 ret

kórsetildi

1 mın

oqý úshin

2025 jyldyń kókteminen bastap halyqaralyq jáne respýblıkalyq mańyzy bar avtomobıl joldarynda kólik quraldarynyń ortasha qozǵalys jyldamdyǵyn tirkeý júıesi jumys istep keledi. Arnaıy baqylaý kameralary joldardyń túzý ýchaskelerine ornatylǵan, al ortasha jyldamdyq belgili bir aralyqty júrip ótýge jumsalǵan ýaqyt arqyly esepteledi, dep habarlaıdy Egemen.kz.

Qyrmyzy JUMAǴALIQYZY

Jyldamdyqty baqylaý júıesi 109 myńnan asa zań buzýshylyqty anyqtady

Foto: Ashyq derekkóz

«QazAvtoJol» kompanııasynyń habarlaýynsha, naýryz–tamyz aılaryndaǵy taldaý qorytyndysyna sáıkes, osy kezeńde jyldamdyqty asyrýdyń 109 myńnan astam faktisi anyqtalǵan.

Eń kóp quqyqbuzýshylyq tirkelgen ýchaskeler:

Shymkent–Qyzylorda – 54 863 jaǵdaı;
Astana–Shýchınsk – 29 330 jaǵdaı;
Astana–Pavlodar – 18 188 jaǵdaı.

Al eń az buzýshylyq kelesi baǵyttarda baıqalǵan:

Pavlodar–Semeı–Qalbataý – 3 882 jaǵdaı;
Shymkent–Taraz – 1 980 jaǵdaı;
Pavlodar–RF shekarasy (Omby) – 526 jaǵdaı;
Oral–RF shekarasy (Saratov) – 365 jaǵdaı;
Jibek Joly–Temirtaý – 164 jaǵdaı.

Aıta keteıik, qazirgi ýaqytta Astana–Shýchınsk (shekteý – 140 km/saǵ), Astana–Pavlodar (140 km/saǵ), Shymkent–Qyzylorda (110 km/saǵ), Shymkent–Taraz (110 km/saǵ), Pavlodar–Semeı–Qalbataý (100–110 km/saǵ), Oral–RF shekarasy (Saratov) (100 km/saǵ), Pavlodar–RF shekarasy (Omby) (100 km/saǵ) jáne Jibek Joly–Temirtaý (140 km/saǵ) joldarynda ortasha jyldamdyqty baqylaý júrgizilip otyr.

Jol qozǵalysy qaýipsizdigin qamtamasyz etý maqsatynda engizilgen bul júıe júrgizýshilerdi belgilengen jyldamdyqty saqtaýǵa yntalandyryp, apat sanyn azaıtýǵa baǵyttalǵan.