Sýretti túsirgen – avtor
Shyrǵa saıysynyń sharty bireý: 800 metrlik jarys jolynda túlkiniń týlaǵyna qaısysy buryn jetti, jeńis sonyki. Uıymdastyrýshylar eń áýeli tazylardy top-topqa bóldi. Olardyń ishinde jarys jolyna jańa shyqqany da, júldeden júlde alǵany da bar edi. Deı turǵanmen, keı-keıde baqtyń shabatyny da bar... Tartysty jarys bastalmas buryn Ánuran oınap, aq tilekter aqtaryldy.
«О́skemende tuńǵysh ret qala ákiminiń qoldaýymen tazylardyń shyrǵaǵa túsý saıysy uıymdastyryldy. Kózdegenimiz – ata dástúrdi jańǵyrtý. Sonymen qatar bekzat ónerdi jalǵastyrsa eken degen nıette jastardy qyzyqtyrǵymyz da keldi. Sóıtip, jarys uıymdastyrýdy jón dep sheshtik», dedi О́skemen qalalyq sport bóliminiń basshysy Dıas Erlanuly.
Jarys alańynda aqshańqań kıiz úı tigilip, qońyr dombyradan kúı áýeledi. Rýhty ánder shyrqaldy. Saıysqa qatysýshylar jarap turǵan tazylary týraly ańyzǵa bergisiz áńgimelerin aıtyp, arqa-jarqa bolysty. Biriniń tazysy qaban alsa, endi biri aldyna qara salmaıdy desti.
«Lashyn» atty tazymmen ekinshi ret jarysqa qatystyq. Ańǵa túsip kórmegenimen, kúndelikti júgiredi. Tamaǵyn da ýaqytymen berip, jaratyp otyramyn», deıdi ıtbegi Nazym Tursynbaeva.
Sóıtip, jarys jolyna 40 tazy top-tobymen, kezek-kezegimen shyqty. Á degende qumaıdyń biri shyrǵaǵa ornynan atylsa, endi biri jaıbasarlyq tanytty. Jarty joldan keri qaıtqan tazylar da boldy.
Nátıjesinde, júldeli 1-oryndy Erkebulan Ádilbekovtiń «Sary qyz» atty tazysy enshiledi. 2-oryn Álıhan Báıtekovtiń «Jebe» deıtin tazysyna buıyrdy. Al 3-oryn Botajan Jumahanovtyń jaratqan júırigi aldy. О́skemende alǵash uıymdastyrylǵan jarystyń tartysty ótkenin baıqaǵan uıymdastyrýshylar dástúrli saıysqa aınaldyramyz degendeı de usynys aıtty.
Shyǵys Qazaqstan oblysy
