Depýtat mektepter men balabaqshalarda sanıtarlyq-epıdemıologııalyq qyzmet ókilderi tekserispen kelgen kezdegi jaǵdaıǵa qatysty pikir bildirdi. Onyń aıtýynsha, sońǵy jyldary shynaıy baqylaýdyń ornyna kóbine formaldy ǵana tekseretin júıe qalyptasqan.
Qazir bilim berý uıymdaryndaǵy sanıtarlyq tekserister aldyn ala kelisilip júrgiziledi. Depýtattyń sózinshe, keı kezderi dırektorlarǵa tikeleı kináli bolmasa da jáne jaǵdaıǵa yqpal ete almasa da, aıyppul salynǵan jaǵdaılar bolǵan. Mysaly, mektep úsh aýysymda oqytýǵa májbúr bolsa nemese synyptaǵy oqýshy sany belgilengen normadan asyp ketse, mektep basshysynyń oǵan yqpal ete almaıtyny belgili.
«Balalardyń qaýipsizdigi tek ata-analardyń ǵana emes, búkil qoǵamnyń jaýapkershiligi. Sanıtarlyq-epıdemıologııalyq baqylaý jaı ǵana tekseris emes. Bul – eldiń bolashaǵyn qorǵaýdyń mańyzdy tetigi», dep jazdy Aımaǵambetov.
Eske sala keteıik, buǵan deıin Mańǵystaý oblysyndaǵy balalardyń jappaı ýlanýynan keıin Densaýlyq saqtaý mınıstrligi mektep oqýshylaryn tamaqtandyrýdy uıymdastyrýǵa memlekettik baqylaýdy kúsheıtý týraly habarlady.
Depýtat aıtyp otyrǵan jańa erejeler balalar bolatyn nysandarǵa erekshe mártebe berýge, tekserister týraly aldyn ala habarlaýdy alyp tastaý arqyly obektıvti baǵa berýge, sondaı-aq nysandardy sanıtarlyq-epıdemıologııalyq talaptarǵa sáıkestendirý maqsatynda monıtorıngtik saparlardy engizýge baǵyttalǵan.
