Foto: ashyq derekkóz
2019 jyldan beri 1 mıllıonnan astam oqýshyǵa arnalǵan 1200 jańa mektep salyndy. 2023-2024 jyldar aralyǵynda 510 myń orynǵa arnalǵan 422 bilim oshaǵy paıdalanýǵa berilgen.
Nátıjesinde úsh aýysymdy mektepter sany tórt ese azaıdy. Apatty jaǵdaıdaǵy mektepter eki ese qysqardy. Oqýshy oryndarynyń tapshylyǵy da tórt ese tómendedi.
Úsh aýysymdy oqytýdan tolyq bas tartqan óńirler qatarynda Shymkent, Almaty, Aqmola, Qaraǵandy jáne Qyzylorda oblystary bar.
«Jańa oqý jylynyń qarsańynda óńirlerde 115 myń oqýshyǵa arnalǵan taǵy 83 jańa mektep ashyldy, onyń 57-si «Keleshek mektepteri» ulttyq jobasy aıasynda salynǵan. Jańa mektepterdiń paıdalanýǵa berilýi birqatar óńirlerde úsh aýysymdy oqytý máselesin tolyǵymen joıýǵa múmkindik berdi», dep jazǵan mınıstrlik habarlamasynda.
Qazir eldegi 3 myń mektep bir aýysymda, 5 myń mektep eki aýysymda oqytady. Jyl sońyna deıin 140 myń orynǵa arnalǵan 111 mektep ashylǵan soń, bul kórsetkish aıtarlyqtaı jaqsarady.
Sondaı-aq, mınıstrlik 2025-2026 oqý jylyna deıin 232 jańa mektep salýdy, 245 mektepti jańǵyrtýdy jáne 1 myń aýyl mektebin modernızasııalaýdy josparlap otyr.
